MNP - ဇန်နဝါရီ ၃
မွန်ပြည်နယ် ကျိုက်ထိုမြို့နယ်ပြန်ကြား ရေးနှင့်ပြည်သူ့ဆက်ဆံရေးဦးစီးဌာနနှင့်ပညာရေးဌာနတို့ပူးပေါင်း၍(၇၅)နှစ် မြောက်စိန်ရတုလွတ်လပ်ရေးနေ့ အထိမ်း အမှတ်အဖြစ် စာအုပ်ပြပွဲ၊နံရံကပ်စာစောင်၊ဓါတ်ပုံပြပွဲနှင့်စွမ်းရည်ပြိုင်ပွဲများကို ဇန်နဝါရီ ၃ ရက် နေ့လည် ၁၂ နာရီတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန Community Center ၌ကျင်းပပြုလုပ်ခဲ့သည်။
ရှေးဦးစွာမြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိဒေါ်သန်းသန်းမော် ကမြန်မာနိုင်ငံလွတ်လပ်ရေးရရှိရန်ကြိုးပမ်းဆောင်ရွက်ခဲ့သည့်ဗိုလ်ချုပ် အောင်ဆန်းနှင့်မျိုးချစ်ပုဂ္ဂိုလ်များအကြောင်းကိုအသိပညာပေးဟောပြောပြီး စွမ်းရည်ပြိုင်ပွဲများကို ပြုလုပ်ပေးခဲ့ကာဆုရရှိသူများအား ဂုဏ်ပြုလက်ဆောင်များပေးအပ်ခဲ့သည်။
ထို့နောက် လွတ်လပ်ရေး ရရှိခဲ့ပုံများ၊လွတ်လပ်ရေးကြိုးပမ်းမှုသမိုင်းမှတ်တမ်းစာအုပ်များ၊ နံရံကပ်စာစောင်များကို ပြသထားရာကျောင်းသားကျောင်းသူများမှ စိတ်ပါဝင်စားစွာလေ့လာကြည့်ရှုကြကြောင်း သိရသည်။
ဝင်းမောင်
https://t.me/MyanmarNationalPost
No comments:
Post a Comment