MNP - ဇန်နဝါရီ ၉
ရှမ်းပြည်နယ်(တောင်ပိုင်း)၊ လင်းခေးခရိုင်၊ မိုင်းပန်မြို့နယ် အခြေခံပညာအလယ်တန်းကျောင်း (ခွဲ)မြို့မ၏ ၂၀၂၂-၂၀၂၃ခု ပညာသင်နှစ် ပညာရည်ချွန်ဆုပေးပွဲနှင့် ပညာရေးစုံညီပွဲတော် အခမ်းအနားကို စဝ်ကောလီခန်းမ(ပန်းခြံ)၌ ယမန်နေ့မွန်းလွဲ ၂ နာရီအချိန်က ကျင်းပခဲ့ကြောင်း သိရသည်။
အခမ်းအနားတွင် အမှတ်(၁၇)စစ်ဆင်ရေးကွပ်ကဲမှုဌာနချုပ်၊ ဒုတိယစစ်ဆင်ရေးကွပ်ကဲရေးမှူး ဗိုလ်မှူးကြီးတင်မင်းလတ်က အဖွင့်အမှာစကားပြောကြားခဲ့သည်။ ထို့နောက် မိဘဆရာအသင်း ကျောင်းအကျိုးတော်ဆောင် နာယက ဦးစိုင်းစံမောင်က ကျောင်း၏ ဘက်စုံဖွံ့ဖြိုးတိုးတက်ရေး၊ ပညာရည်ချွန်ဆုပေးပွဲနှင့် ပညာရေးစုံညီပွဲတော် အခမ်းအနားဖြစ်မြောက်ရေးအတွက် အဘက်ဘက်မှ ပါဝင်ကူညီပံ့ပိုးပေးသော စေတနာရှင်၊ အလှူရှင်များအား ကျေးဇူးတင်စကား ပြောကြားခဲ့ပြီး ဂုဏ်ပြုမှတ်တမ်းလွှာများ ပေးအပ်ခဲ့သည်။
ဆက်လက်၍ ၂၀၂၂-၂၀၂၃ခုပညာသင်နှစ် ပြည်နယ်၊ ခရိုင်၊ မြို့နယ်၊ ကျောင်းအတွင်း ထူးချွန်ဆုရကျောင်းသား/သူများ၊ အားကစားဆုရကျောင်းသား/သူမျာအား ဆုချီးမြှင့်ခြင်း အခမ်းအနားကျင်းပခဲ့ရာ ကျောင်းသား/သူလေးများမှ ပညာရေးစုံညီပွဲတော်သို့ လာရောက် ကြည့်ရှုအားပေးသူများအား အကပဒေသာများဖြင့် ဖျော်ဖြေကပြခဲ့ကြောင်း သိရသည်။
နော်မှိုင်း
https://t.me/MyanmarNationalPost
No comments:
Post a Comment