MNP - ဇန်နဝါရီ ၉
မန္တလေးတိုင်းဒေသကြီး၊ သပိတ်ကျင်းခရိုင်၊ သပိတ်ကျင်းမြို့နယ်တွင် မြေပြင်တစ်အိမ်တက်ဆင်းကွင်းဆင်းကောက်ယူရေးအဖွဲ့ (Working Group) များမှကွင်းဆင်းတိုက်ဆိုင်စစ်ဆေးခြင်းလုပ်ငန်းများအား ယနေ့နံနက် ၉ နာရီမှစတင်၍ ကွင်းဆင်းတိုက်ဆိုင်စစ်ဆေးခြင်းများ စတင် စာရင်းကောက်ယူခဲ့ကြကြောင်းသိရသည်။
သပိတ်ကျင်းမြို့နယ်ရှိ မြေပြင်တစ်အိမ်တက်ဆင်းကွင်းဆင်းကောက်ယူရေးအဖွဲ့(Working Group)များမှ အိမ်ထောင်စုလူဦးရေစာရင်း မြေပြင်ကွင်းဆင်းကောက်ယူခြင်းနှင့် မှတ်ပုံတင် တိုက်ဆိုင်စစ်ဆေးခြင်းလုပ်ငန်းများကို သပိတ်ကျင်းမြိုနယ်အတွင်းရှိ ရပ်ကွက်/ကျေးရွာများသို့ ကွင်းဆင်းသွားရောက်ပြီး စာရင်းကောက်ယူခြင်းများကို မြို့နယ်မြေပြင်ကွင်းဆင်းကောက်ယူ ရေးကြီးကြပ်မှုကော်မတီဥက္ကဋ္ဌ ဦးသန်းထိုက်အောင်နှင့်အဖွဲ့ဝင်များမှ လိုက်လံကြည့်ရှုစစ်ဆေးခဲ့ပြီး လိုအပ်သည်များ ပေါင်းစပ်ညှိနိုင်းဆောင်ရွက်ခဲ့ကြသည်။
အဆိုပါမြေပြင်တစ်အိမ်တက်ဆင်း ကွင်းဆင်းကောက်ယူခြင်းလုပ်ငန်းများကို ဇန်နဝါရီ(၉) ရက်နေ့မှ(၃၁)ရက်နေ့အထိ မြို့နယ်အတွင်းရှိကောက်ကွက်(၈၀)အား အဖွဲ့(၈၀)ဖြင့်စာရင်း ကောက်ယူသွားမည်ဖြစ်ပြီး ကောက်ကွက်တစ်ဖွဲ့လျှင်အဖွဲ့ဝင်(၅)ဦးဖြင့် ကောက်ကွက် တစ်ကွက်လျှင် အိမ်ထောင်စု(၅၀၀)စုနှုန်းဖြင့် မှန်ကန်မြန်ဆန်စွာ သတ်မှတ်ရက်အတွင်း ပြီးစီးအောင်စာရင်းကောက်ယူသွားမည်ဖြစ်ကြောင်း မြို့နယ်မြေပြင်ကွင်းဆင်းကောက်ယူရေး ကြီးကြပ်မှုကော်မတီဥက္ကဋ္ဌထံမှ သိရသည်။
https://t.me/MyanmarNationalPost
No comments:
Post a Comment