MNP - ဇန်နဝါရီ ၁၄
မန္တလေးတိုင်းဒေသကြီး၊ ချမ်းမြသာစည်မြို့နယ်၊ မြို့သစ် (၂)ရပ်ကွက်၊ ၆၆လမ်း၊ ၁၀၇x၁၀၈ လမ်းကြား အထက(ခွဲ)၁၃ ကျောင်းခန်းမတွင် ၂၀၂၂-၂၀၂၃ခုနှစ် ပညာရေးစုံညီပွဲတော် အခမ်းအနားအား ယမန်နေ့နံနက်၀၉၀၀ နာရီက ကျင်းပပြုလုပ်ခဲ့ရာကြောင်း သိရှိရသည်။
အခမ်းအနားတွင် ချမ်းမြသာစည်မြို့နယ်၊ မြို့နယ်ပညာရေးမှူး ဒေါ်စန်းစန်းနုက နှုတ်ခွန်းဆက် အဖွင့်အမှာ စကားပြောကြားခဲ့ပြီး အထကခွဲ (၁၃) ကျောင်းအုပ်ဆရာကြီး ဦးနိုင်ဦးက စုံညီပွဲတော်ကျင်းပရခြင်း ရည်ရွယ်ချက်များကို ရှင်းလင်းပြောကြားခဲ့သည်။ ဆက်လက်ပြီး ပညာရည်ထူးချွန်ဆုရရှိသော ကျောင်းသား/ သူများ၊ စာစီစာကုံး ပြိုင်ပွဲနှင့်ကဗျာပြိုင်ပွဲတွင် ဆုရရှိကြသူများ၊ ဘက်စုံထူးချွန်ဆုရရှိကြသူများ၊ ထူးချွန်ဆုရရှိအောင်သင်ကြားပေးသော ဆရာ/ ဆရာမများအား တာ၀န်ရှိသူများက ဆုများအသီးသီး ပေးအပ်ချီးမြှင့်ခဲ့ကြသည်။
အခမ်းအနားသို့ ချမ်းမြသာစည်မြို့နယ်၊မြို့နယ် ပညာရေးမှူး ဒေါ်စန်းစန်းနု၊ အထကခွဲ (၁၃) ကျောင်းအုပ်ကြီး ဦးနိုင်ဦးနှင့် ဆရာ/ ဆရာမများ ကျောင်းသား/ သူများ၊ ကျောင်းသားမိဘများ၊ ဖိတ်ကြားထားသော ဧည့်သည်တော်များ တက်ရောက်ခဲ့ကြကြောင်း သတင်းရရှိပါသည်။
ခင်စိမ်း၀င်း
https://t.me/MyanmarNationalPost
No comments:
Post a Comment