MNP - ဇန်နဝါရီ ၁၄
မန္တလေးတိုင်းဒေသကြီး မိတ္ထီလာခရိုင် သာစည်မြို့နယ်တွင် အသက် ၅ နှစ်မှ ၁၂ နှစ်အတွင်း ကျောင်းသား/သူများအား ကိုဗစ် - ၁၉ ရောဂါ ထပ်ဆောင်းကာကွယ်ဆေးထိုးနှံနေမှုနှင့် အိမ်ထောင်စု လူဦးရေစာရင်း တိကျမှန်ကန်စေရန် တစ်အိမ်တက်ဆင်း မြေပြင်ကွင်းဆင်း စာရင်းကောက်ယူနေမှုများကို တာဝန်ရှိသူများ ကွင်းဆင်းကြည့်ရှုအားပေးခဲ့ကြောင်း သိရသည်။
သာစည်မြို့နယ်တွင် အသက် ၅ နှစ်မှ ၁၂ နှစ်အတွင်း ကျောင်းသား/သူများအား ကိုဗစ်- ၁၉ ရောဂါ ထပ်ဆောင်းကာကွယ်ဆေးကို မြို့နယ်အတွင်းရှိ အခြေခံပညာကျောင်း ဆေးထိုးစုရပ်များတွင် ဆက်လက်ထိုးနှံပေးလျက်ရှိရာ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်ဇော်ဦးနှင့် အဖွဲ့ဝင်များ၊ ဒုတိယခရိုင်အုပ်ချုပ်ရေးမှူး ဦးလွှမ်းမိုးဟန်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးသက်ကျော်နှင့် အဖွဲ့ဝင်များ၊ ဌာနဆိုင်ရာ တာဝန်ရှိသူများက အမှတ်(၁) အခြေခံပညာအထက်တန်းကျောင်း ဆေးထိုးစုရပ်သို့ သွားရောက်ကြည့်ရှုအားပေးပြီး လိုအပ်သည်များဖြည့်ဆည်း ဆောင်ရွက်ပေးခဲ့ကြောင်း သိရသည်။ သာစည်မြို့နယ်တွင် ကိုဗစ် - ၁၉ ရောဂါ ထပ်ဆောင်းကာကွယ်ဆေးထိုးနှံမည့် အသက် ၅ နှစ်မှ ၁၂ နှစ်အတွင်း ကျောင်းသား/သူ ၂၁၆၀၂ ဦးရှိကြောင်း သိရပြီး ယနေ့အထိ ၄၀၀၀ ကျော်ထိုးနှံပြီးဖြစ်ကြောင်း သိရသည်။ ထို့နောက် ခရိုင်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့သည် အုတ်တွင်းကျေးရွာအုပ်စု သာယာကုန်းကျေးရွာ၌ အိမ်ထောင်စုလူဦးရေစာရင်း တိကျမှန်ကန်စေရန် တစ်အိမ်တက်ဆင်း မြေပြင်ကွင်းဆင်း စာရင်း ကောက်ယူနေမှုများကို သွားရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းပေးခဲ့ကြောင်း သိရသည်။ သာစည်မြို့နယ်တွင် e-ID စာရင်းအရ မြို့ပေါ် ၇ ရပ်ကွက်၊ ကျေးရွာအုပ်စု ၈၀ တို့တွင် အိမ်ထောင်စု ၅၅၉၂၅ နှင့် လူဦးရေပေါင်း ၂၃၇၂၈၉ ဦး ရှိကြောင်း သိရပြီး ယမန်နေ့ကအထိ အိမ်ထောင်စု ၁၃၉၉၅ နှင့် လူဦးရေ ၆၁၆၅၂ ဦး ကောက်ယူပြီးဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန သာစည်မြို့နယ်ဦးစီးမှူးရုံးမှ သိရသည်။
https://t.me/MyanmarNationalPost
No comments:
Post a Comment