MNP - ဇန်နဝါရီ ၁၉
ပဲခူးတိုင်းဒေသကြီး၊ ပဲခူးခရိုင်၊ ဝေါမြို့နယ်တွင် ငလျင်ဘေးအန္တရာယ်သဏ္ဍာန်တူ ဇာတ်တိုက်လေ့ကျင့်ခန်းအတွက် ကြိုတင်ညှိနှိုင်းဆွေးနွေးပွဲကို ယနေ့နံနက်(၁၀)နာရီက ဝေါမြို့အခြေခံပညာအထက်တန်းကျောင်းရှိ ဇေယျာသီရိခန်းမ၌ ကျင်းပခဲ့သည်။
ရှေးဦးစွာ ပဲခူးတိုင်းဒေသကြီး၊ သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့၊ တွဲဖက်အတွင်းရေးမှူး၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ပဲခူးတိုင်းဒေသကြီးဦးစီးမှူးရုံးမှ တိုင်းသေကြီးဦးစီးမှူးဦးသောင်းရွှေက ငလျင်ဘေးအန္တရာယ်သဏ္ဍန်တူ ဇာတ်တိုက်လေ့ကျင့်ခန်းအတွက် ငလျင်ဘေးအန္တရာယ်အကြောင်းသိကောင်းစရာများကို အဖွင့်အမှာစကားပြောကြားသည်။ ဆက်လက်၍ ဝေါမြို့နယ်၊ သဘာဘေးအန္တရာယ်ဆိုင်ရာစီမံခန့်ခွဲမှုအဖွဲ့ဥက္ကဋ္ဌ အထွေထွေအုပ်ချုပ်ရေးဦးစီးဌာန၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးသီဟထွန်းက အမှာစကားပြောကြားပြီး ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ပဲခူးတိုင်းဒေသကြီးရုံးမှ ဒုတိယညွှန်ကြားရေးမှူးဦးသန်းစိုးက ငလျင်ဘေးအန္တရာယ်အကြောင်းနှင့်ပတ်သက်၍ Power Point ဖြင့် အသေးစိတ်ရှင်းလင်းပြောကြားသည်။
ထို့နောက် ငလျင်ဘေးအန္တရာယ်သဏ္ဍာန်တူ ဇာတ်တိုက်သရုပ်ပြလေ့ကျင့်ခန်းများ ဆောင်ရွက်သွားမည့်အစီအစဉ်များအား ပဲခူးတိုင်းဒေသကြီး၊ သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့၊ တွဲဖက်အတွင်းရေးမှူး၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ပဲခူးတိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူးဦးသောင်းရွှေက မြို့နယ်အဆင့်ကော်မတီဝင်များ လူမှုရေးအသင်းအဖွဲ့များ၏ ကိုယ်စားလှယ်များနှင့် ဇာတ်တိုက်လေ့ကျင့်ခန်းနှင့်ပတ်သက်၍ အကြုံပြုဆွေးနွေးခဲ့ကြကြောင်း သိရသည်။
အောင်မြတ်လင်း
https://t.me/MyanmarNationalPost
No comments:
Post a Comment