MNP - ဇန်နဝါရီ ၂၆
ရှမ်းပြည်နယ်(မြောက်ပိုင်း) လားရှိုးခရိုင်၊ ကွမ်းလုံမြို့၌ ယမန်နေ့ မွန်းလွဲ(၃)နာရီအချိန်က ကိုးကန့်တိုင်းရင်းသားရိုးရာ နှစ်သစ်ကူး အားကစားဖွင့်ပွဲအခမ်းအနားကို ကွမ်းလုံမြို့နယ် ကိုးကန့်စာသင်ကျောင်းတွင် ကျင်းပပြုလုပ်ရာ ကွမ်းလုံအခြေချစစ်ဗျူဟာအဖွဲ့ စစ်ဗျူဟာမှူး ဗိုလ်မှူးကြီး အေးမင်းထွန်း၊ မြို့နယ်စီမံအုပ်ချုပ်ရေးအဖွဲ့ဉက္ကဋ္ဌ မြို့နယ်အုပ်ချုပ်ရေးမှူး ဦးရန်နိုင်မောင်နှင့် အဖွဲ့ဝင်များ၊ ဌာနဆိုင်ရာများ၊ ရပ်မိရပ်ဖများ၊ ဖိတ်ကြားထားသော ဧည့်သည်တော်များနှင့် အားကစားသမားများ တက်ရောက်ခဲ့ကြသည်။
အဆိုပါ အခမ်းအနားတွင် ကွမ်းလုံအခြေချစစ်ဗျူဟာအဖွဲ့ စစ်ဗျူဟာမှူးနှင့် မြို့နယ်စီမံ အုပ်ချုပ်ရေးအဖွဲ့ဉက္ကဋ္ဌတို့မှ အဖွင့်အမှာစကား ပြောကြားခဲ့ပြီး ကိုးကန့်ရိုးရာနှစ်သစ်ကူး အားကစားပွဲတော် ကျင်းပရေးကော်မတီဉက္ကဋ္ဌ ဦးမြင့်အောင်မှ နှစ်သစ်ကူးအားကစားပွဲတော် ကျင်းပပြုလုပ်ရခြင်း၏ ရည်ရွယ်ချက်ကို ကိုးကန့်-မြန်မာနှစ်ဘာသာဖြင့် ရှင်းလင်းပြောကြားခဲ့သည်။
ထို့နောက် ကွမ်းလုံအခြေချစစ်ဗျူဟာအဖွဲ့ စစ်ဗျူဟာမှူး ဗိုလ်မှူးကြီး အေးမင်းထွန်းမှ ကွမ်းလုံမြို့ ကိုးကန့်တိုင်းရင်းသားရိုးရာ နှစ်သစ်ကူးပွဲတော် ကျင်းပပြုလုပ်ရေးကော်မတီအား အမှတ်တရ ဂုဏ်ပြုပန်းခြင်း ပေးအပ်ခဲ့သည်။ ယင်းနောက် အခမ်းအနားသို့ တက်ရောက်လာသည့် ဌာနဆိုင်ရာနှင့် ဖိတ်ကြားထားသော ဧည့်သည်တော်များကို ကိုးကန့်တိုင်းရင်းသားရိုးရာ နှစ်သစ်ကူးပွဲတော်ကျင်းပပြုလုပ်ရေးကော်မတီမှ ညနေစာဖြင့် တည်ခင်းဧည့်ခံကျွေးမွေးခဲ့ကြောင်း သတင်းရရှိသည်။
https://t.me/MyanmarNationalPost
No comments:
Post a Comment