MNP - ဇန်နဝါရီ ၂၄
ရခိုင်ပြည်နယ် မောင်တောမြို့နယ်၌ ၂၀၂၂-၂၀၂၃ ပညာသင်နှစ်၊ အမှတ်(၂)အခြေခံပညာ မူလတန်းလွန် ကျောင်း၏ ပညာရေးစုံညီပွဲတော် နှင့် ပညာရည်ချွန်ဆုပေးပွဲ အခမ်းအနားကို ယနေ့ မွန်းလွှဲ ၁ နာရီအချိန် အဆိုပါကျောင်းတွင် ကျင်းပပြုလုပ်သည်။
ရှေးဦးစွာ ကျောင်းသား၊ကျောင်းသူလေးများက “ပညာပန်းခင်း” သီချင်းဖြင့် သီဆို ဖျော်ဖြေပေးခဲ့ကြပြီး မောင်တောမြို့နယ်ပညာရေးမှူး ဦးအောင်မြင့်သိန်းက အမှာစကားပြောကြားခဲ့သည်။ ဆက်လက်၍ အမှတ်(၂) အခြေခံပညာ မူလတန်းလွန် ကျောင်းမှ ကျောင်းအုပ်ဆရာမကြီး ဒေါ်မော်မော်လွင်က ကျေးဇူးတင်ဝမ်းမြောက် စကားပြောခဲ့ပြီး ကျောင်းသား၊ကျောင်းသူလေးများက အကအလှများ ၊ တေးသီချင်း အမျိုးမျိုးဖြင့် ကပြ ဖျော် ဖြေပေးခဲ့ကြသည်။
ထို့နောက် ၂၀၂၂-၂၀၂၃ ပညာသင်နှစ်အတွင်း ကျောင်းအတွင်းပြုလုပ်သော ကဏ္ဍ အ သီးသီး တွင် ပညာရည်ချွန်ဆုရရှိသူများ နှင့် အား ကစား ထူးချွန်ဆု ရရှိ သော ကျောင်းသား/သူများအား မြို့ နယ် ပညာ ရေးမှူး ၊ ကျောင်းအုပ်ဆရာမကြီး နှင့် တာဝန်ရှိသူများက ဆုများ အသီးသီး ချီးမြှင့် ပေးကြပြီး ကျောင်း သား၊ ကျောင်းသူလေးများက “မြန်မာ့ ကျောင်းသား” သီချင်းဖြင့် သီဆို ဖျော်ဖြေ ပေး ခဲ့ ကြကြောင်းသိရသည်။
သက်လွင်စိုး၊အောင်ကျော်စိန်
https://t.me/MyanmarNationalPost
No comments:
Post a Comment