MNP - ဇန်နဝါရီ ၁၈
ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ်တွင် အသက် (၅)နှစ်မှ အသက် (၁၂)နှစ်ထိ ကျောင်းသား/ ကျောင်းသူများအား ကိုဗစ် - ၁၉ ရောဂါ ကာကွယ်ဆေး ထပ်ဆောင်း Boostar ကို ယမန်နေ့ နံနက်ပိုင်းတွင် အထက(၁) ကျောင်းခန်းမ၌ ထိုးနှံပေးခဲ့ကြောင်း သိရသည်။
ကာကွယ်ဆေးများကို အထက (၁) ပင်လောင်းကျောင်း၊ အမှတ်(၄) စစ်အခြေခံလေ့ကျင့်ရေးတပ် အမကကျောင်း၊ အမှတ်(၃၃၁) ဒုံးတပ် အမကကျောင်း၊ အမက ကိုးခေါင်ကျောင်းနှင့် အမကပင်တလဲကျောင်းများမှ အသက် (၅)နှစ်မှ အသက် (၁၂)နှစ်ထိ ကျောင်းသား/ ကျောင်းသူ (၅၃၁)ဦးအား ကိုဗစ် - ၁၉ ရောဂါကာကွယ်ဆေး ထပ်ဆောင်း Boostar ထိုးနှံပေးခဲ့ပြီး၊ မြို့နယ်အတွင်းမှ အခြေခံပညာကျောင်းများတွင် တက်ရောက် ပညာသင်ယူနေသော အသက်(၅)နှစ်မှ အသက် (၁၂)နှစ်ထိ ကျောင်းသား/ ကျောင်းသူများကိုလည်း သတ်မှတ်ထားသည့် ဆေးထိုးရမည့်နေ့ရက်များနှင့် စုရပ်များတွင် ကိုဗစ် - ၁၉ ရောဂါ ကာကွယ်ဆေး ထပ်ဆောင်း Boostar အား ဆက်လက် ထိုးနှံပေးသွားမည် ဖြစ်ကြောင်း ကျန်းမာရေးဦးစီးဌာနထံမှ သိရသည်။
https://t.me/MyanmarNationalPost
No comments:
Post a Comment