MNP - ဇန်နဝါရီ ၂၀
မန္တလေးတိုင်းဒေသကြီး ကျောက်ဆည်ခရိုင် စဉ့်ကိုင်မြို့နယ်တွင် အခြေခံပညာကျောင်းများ၊ ဘုန်းတော်ကြီးသင်ကျောင်းများနှင့် ကိုယ်ပိုင်ကျောင်းများ၌ရှိသော ကိုဗစ်-၁၉ ရောဂါကာကွယ်ဆေး အကြိမ်ပြည့်ထိုးနှံပြီး(၅)လပြည့်ပြီးသူ အသက်(၅)နှစ်မှ(၁၂)ထိကျောင်းသား၊ ကျောင်းသူများအား ထပ်ဆောင်းကာကွယ်ဆေး (Booster Dose ) များထိုးနှံပေးလျှက်ရှိရာ ယနေ့နံနက်ပိုင်းက ဧည့်ပြ၊ ကျွန်းဦး၊ ကျွန်းငူ၊ မက္ခရာ၊ ညောင်ပင်သာ၊ ကုန်းသာ၊ နေပူ၊ ကြက်လျှာ၊ ဉယျာဉ်ကြီး၊ အိုးထိန်းတောင်၊ ခံဘူး၊ ရွာဟောင်းကုန်း ၊ထန်းသုံးပင်၊ ဆီဆုံ၊ ဆည်ရွာ၊ ခံလူး၊ ရှမ်းကန်၊ နဘဲပင်၊ ရန်ကင်း( ဘုန်းတော်ကြီးသင် ) ကတိုး ၊ စဉ့်ကိုင်(အ-ထ-က) မြတ်စေတနာ (ကိုယ်ပိုင်အထက် တန်းကျောင်း) ၊ ပင်းချား ၊လင်းရောင်သစ်(ကိုယ်ပိုင်အထကတန်းကျောင်း)များတွင် ကာကွယ်ဆေးများထိုးနှံပေးလျှက်ရှိရာ စုစုပေါင်း(၁၄၅၄)ဦးထိုးနှံပေးခဲ့ကြောင်းသိရသည်။
အဆိုပါ ကာကွယ်ဆေးများထိုးနှံခြင်းကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ နှင့် အဖွဲ့၀င်များကကြီးကြပ်၍ လိုအပ်သည်များကူညီဆောင်ရွက်ပေးလျှက်ရှိပြီး မြို့နယ်ကုသရေးဦးစီးဌာနမှူး ဒေါက်တာအေးလွင်၊ မြို့နယ်ပြည်သူ့ကျန်းမာရေးဦးစီးဌာနမှဒေါ်ယဉ်နွယ်မြင့် (ဦးစီးအရာရှိ) (အခြေခံကျန်းမာ/ကျန်းမာပညာ)၊ ဦးစောအေး(ကျန်းမာရေးမှူး) ၊ဒေါက်တာလမင်းကိုနှင့် ကျန်းမာရေး၀န်ထမ်းများက စနစ်တကျကာကွယ်ဆေးများထိုးနှံပေး လျှက်ရှိကြောင်းသိရသည်။
ထိုသို့ကာကွယ်ဆေးများ ထိုးနှံပေးရာတွင် မြို့နယ်ပြည်သူ့ကျန်းမာရေးဦးစီးဌာနမှ၀န်ထမ်းများ၊ ကြက်ခြေနီတပ်ဖွဲ့၀င်များ၊ ဆရာမများ၊ မြို့နယ်အမျိုးသမီးရေးရာ၊ မိခင်နှင့်ကလေး စောင့် ရှောက်ရေး အသင်း၀င်များ၊ရပ်ကွက် / ကျေးရွာများမှ ပရဟိတအဖွဲ့၀င်များပူးပေါင်း၍ ကျောင်းသားကျောင်းသူများအား ကိုဗစ်-၁၉ရောဂါ ကာကွယ်ဆေးပထမအကြိမ်ပြည့်ထိုးနှံပြီး (၅)လပြည့်ပြီးသူ အသက်(၅)နှစ် မှ (၁၂)ထိကျောင်းသား၊ ကျောင်းသူများအား ဦးတည်အုပ်စု အလိုက်ကျောင်းများသတ်မှတ်၍ဆက်လက်ထိုးနှံပေးသွားမည်ဖြစ်ကြောင်းမြို့နယ်ပြည်သူ့ကျန်းမာ ရေးဦးစီးဌာနမှ ဒေါ်ယဉ်နွယ်မြင့် (ဦးစီးအရာရှိ)(အခြေခံကျန်းမာ/ကျန်းမာပညာ)ထံကသိရသည်။
၀င်း၀င်းသန်း
https://t.me/MyanmarNationalPost
No comments:
Post a Comment