MNP - ဇန်နဝါရီ ၂၀
ရန်ကုန်တောင်ပိုင်းခရိုင်၊ ဒလမြို့နယ် လူထုအခြေပြုဗဟိုဌာန (Community Centre) ခန်းမ၌ယနေ့ နံနက်(၉)နာရီ အချိန်က စာရေးဆရာမပေါက်ပေါက်ရေးသားသည့် ကျန်းမာသုခ လူနေမှုဘဝစာအုပ်ဖြင့် စာဖတ်ဝိုင်း ပြုလုပ်ကျင်းပခဲ့သည်။
စာဖတ်ဝိုင်းတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်သီတာဝင်းက စာဖတ်ဝိုင်းများကျင်းပရခြင်း၏ ရည်ရွယ်ချက်ကို ရှင်းလင်းပြောကြားခဲ့သည်။ စာပေချစ်မြတ်သူများအသင်း (YouthClub)အဖွဲ့ဝင် ဒေါ်ဟေမာန်နှင်းက စာရေးဆရာမ ပေါက်ပေါက်ရေးသားသည့် ကျန်းမာသုခ လူနေမှုဘဝ စာအုပ်ထဲမှာပါသည့် ကျန်းမာအောင် အသက်ရှူနည်း လမ်းညွှန်ခေါင်းစဉ်ဖြင့် တက်ရောက်လာသော စာပေချစ် ဝါသနာရှင်များက အပြန်အလှန် ဆွေးနွေးခဲ့ကြောင်း သိရသည်။
ဒလမြို့နယ် ပြန်ကြားရေးနှင့်ပြည့်သူ့ဆက်ဆံရေးဦးစီးဌာနအနေဖြင့် ပြည်သူများ အသိပညာ ဗဟု သုတ တိုးပွားစေရန်နှင့် စာဖတ်ရှိန်မြှင့်မားလာစေရန်ရည်ရွယ်၍ ပြည်သူ့စာကြည့်တိုက် Online Page မှတစ်ဆင့်စာအုပ် မိတ်ဆက်ခြင်း၊ ပုံပြင်ပြောခြင်း၊ ကဗျာရွတ်ဆိုခြင်း၊ စာအုပ်များဌားရမ်းပေးခြင်း၊ (TalkShow)နှင့် စာဖတ်ဝိုင်းများဆောင်ရွက်ပေးခြင်း၊ အပြင်သင်တန်းများ၊ ပြပွဲ၊ ပြိုင်ပွဲများကိုလည်း ကျင်းပပြုလုပ်ပေးလျက်ရှိပါသည်။
မြင့်ဇော်
https://t.me/MyanmarNationalPost
No comments:
Post a Comment