MNP - ဇန်နဝါရီ ၂၆
စစ်ကိုင်းတိုင်းဒေသကြီး ကန့်ဘလူခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre) ခန်းမ၌ ဇန်နဝါရီ ၂၅ ရက်မွန်းလွဲ ၂ နာရီက ဝန်ထမ်းများအား နိုင်ငံ့၀န်ထမ်းနည်းဥပဒေ ပြဌာန်းချက်ပါ အကြောင်းအရာများကို ပိုမိုသိရှိနားလည်စေရန် ရည်ရွယ်၍ နိုင်ငံ့ဝန်ထမ်းနည်းဥပဒေများစာအုပ် အခန်း(၂၂)အား စာဖတ်ဝိုင်း ကျင်းပပြုလုပ်ခဲ့ကြောင်းသိရသည်။
အဆိုပါစာဖတ်ဝိုင်းဆွေးနွေးပွဲတွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူးဒေါ်နန်းမြင့်က ဝန်ထမ်းများအနေဖြင့် နိုင်ငံ့၀န်ထမ်းနည်းဥပဒေများကို သိရှိနားလည်သဘောပေါက်စေရန် အခန်း(၂၂)မှ အထူးပင်စင်များအကြောင်းကို သိရှိစေရန်အတွက်ယခုလို စာဖတ်ဝိုင်းဆွေးနွေးပွဲ ပြုလုပ်ရခြင်းဖြစ်ကြောင်း ရှင်းလင်းပြောကြားပြီး တက်ရောက်လာသော ဦးစီးအရာရှိ ဒေါ်ကြည်ဆန်းက အထူးပင်စင်ခံစားခွင့်ပြုခြင်းကို ၀န်ကြီးဌာနနှင့် အဖွဲ့အစည်းအကြီးအမှူးက သို့မဟုတ် ခွင့်ပြုပိုင်ခွင့်လွှဲအပ်ထားသည့်အဖွဲ့က ခွင့်ပြုနိုင်ကြောင်းကို ရှင်းလင်းခြင်း၊ ဒုတိယဦးစီးမှူး ဒေါ်လဲ့လဲ့ဝင်းမောင်က ကွယ်လွန်သူ၀န်ထမ်း သို့မဟုတ် ဇနီး၊ ခင်ပွန်း၊ သားသမီးများက မိသားစုအထူးပင်စင် ခံစားခွင့်ရရှိမှု အကြောင်းအရာများကို ဆွေးနွေးပြီးဝန်ထမ်းများက အထူးပင်စင် ခံစားခွင့်ရှိမှုနှင့် မည်သည့် အတိုင်းအတာအထိ ခံစားခွင့်ရှိသည်တို့ကို အပြန်အလှန် ဆွေးနွေးခဲ့ကြောင်း သိရသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန ကန့်ဘလူခရိုင်ရုံးအနေဖြင့် ပြည်သူများ အသိပညာ ဗဟုသုတများ ရရှိစေရန်အတွက် အွန်လိုင်းမှတစ်ဆင့် အသိပညာပေး အစီအစဉ်များကို စဉ်ဆက်မပြတ် ဆောင်ရွက်ပေးလျက်ရှိသည့်အပြင် စာဖတ်ဝိုင်းများကိုလည်း ဆောင်ရွက်လျက်ရှိကြောင်း သိရသည်။
အောင်ဝင်းငြိမ်း
https://t.me/MyanmarNationalPost
No comments:
Post a Comment