MNP - ဇန်နဝါရီ ၁၃
ရခိုင်ပြည်နယ်၊ရမ်းဗြဲမြို့ လူထုအခြေပြုဗဟိုဌာန (Community Centre)ခန်းမ၌ ပြန်ကြားရေး
နှင့်ပြည်သူ့ဆက်ဆံရေးဦးစီးဌာနမှကြီးမှူး၍ပညာရေးဌာနနှင့်ပူးပေါင်းပြီး လူငယ်များအသိပညာဗဟုသုတများတိုးတက်လာစေရန်ရည်ရွယ်လျက် ယနေ့ မွန်းလွဲ ၁ နာရီက စာဖတ်ခြင်းအကျိုးအသိပညာပေးဟောပြောပွဲကိုပြုလုပ်ကျင်းပကြသည်။
ထိုသို့ကျင်းပရာတွင် ရှေ့ဦးစွာ ရမ်းဗြဲမြို့နယ်၊ပြန်ကြားရေးနှင့်ပြည်သူဆက်ဆံရေးဦးစီးဌာနမှ ဦးစီးအရာရှိ ဒေါ်အောင်တင်ကြည်ကအသိပညာပေး ဟောပြောပွဲများ ဆောင်ရွက်ပေးရခြင်းရည်ရွယ်ချက်များကို ရှင်းလင်းပြောကြားသည်။ ဆက်လက်ပြီး ပညာရေးဌာန၊ မြို့နယ်ပညာရေးမှူးရုံးမှ ဦးစီးအရာရှိ ဦးအောင်ကျော်ထွန်းမှ လူငယ်များအနေဖြင့် ခေတ်နှင့်အညီဖွံ့ဖြိုးတိုးတက်မှုများရှိလာစေရန်အတွက်စာအုပ်စာပေများကို လေ့လာဖတ်ရှုနေကြရန်လိုအပ်ကြောင်း စာအုပ်စာပေများကိုလေ့လာဖတ်ရှုကြရာတွင် မိမိတို့၏ဘဝဖွံ့ဖြိုးတိုးတက်စေရန်အတွက် သုတ/ရသ စာပေများကိုလေ့လာကြမှာဖြစ်ပြီးစာပေများဖတ်ရှုရာတွင် ပြု တု စုဆိုသည့်အတိုင်းလေ့လာကြရန်လိုအပ်ကြောင်းတို့ကိုရှင်းလင်းပြောကြားသည်။
အဆိုပါ အသိပညာပေးဟောပြောပွဲအခမ်းအနားသို့ အလယ်တန်းအဆင့်ကျောင်းသားကျောင်းသူ (၅၅) ဦးတက်ရောက်ခဲ့ကြကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment