MNP ၊ ဇန်နဝါရီလ ၆
စစ်ကိုင်းတိုင်းဒေသကြီး၊ ကနီမြို့နယ် နတ်ကြီးကျေးရွာအနီးတွင် နယ်မြေရှင်းလင်းဆောင်ရွက်လျက်ရှိသော လုံခြုံရေးအဖွဲများနှင့် အများပြည်သူများအား လိုက်လံသတ်ဖြတ်နေသော PDF အကြမ်းဖက်သမားများ ယမန်နေ့ နံနက် ၉ နရီခွဲခန့်တွင် ထိတွေ့တိုက်ပွဲဖြစ်ပွားခဲ့ပြီး လုံခြုံရေးအဖွဲ့များသည် PDF အကြမ်းဖက်သမားများအား ပစ်ခတ်ရှင်းလင်းမှုများ ဆောင်ရွက်ခဲ့ရာ PDF အကြမ်းဖက်သမားများ ဒဏ်ရာများစွာဖြင့် ထွက်ပြေးသွားခဲ့ကြောင်း သိရှိရသည်။
လုံခြုံရေးတပ်ဖွဲ့ဝင်များအနေဖြင့် PDF အကြမ်းဖက်သမားများ ထွက်ပြေးသွားရာ လမ်းကြောင်းတစ်လျှောက် လိုက်လံရှင်းလင်းမှုများ ပြုလုပ်ခဲ့ရာ အကြမ်းဖက်သမား ၁ ဦး (အသေ)၊ ၆၀ မမ စိန်ပြောင်း ၁ လက်၊ ၆၀ မမ ဗုံးသီး ၁ လုံး၊ လက်လုပ်သေနတ် ၁ လက် တိုအား သိမ်းဆည်းရမိခဲ့ကြောင်း သိရသည်။
အလားတူ နေ့လယ် ၁၁ နာရီခန့်တွင် ကနီမြို့နယ် မုဌာကျေးရွာအနီးတွင် လုံခြုံရေးအဖွဲ့များမှ နယ်မြေရှင်းလင်းဆောင်ရွက်နေစဉ် PDF အကြမ်းဖက်သမားများနှင့် ထိတွေ့တိုက်ပွဲ ဖြစ်ပွားခဲ့ပြီး PDF အကြမ်းဖက်သမားများထံမှ လက်လုပ်သေနတ် ၁ လက်၊ လက်လုပ်စိန်ပြောင်း ၁ လက်တို့အား သိမ်းဆည်းရရှိခဲ့၍ လုံခြုံရေးအဖွဲ့ဝင်များ ထိခိုက်ဒဏ်ရာရရှိမှု မရှိကြောင်း သိရသည်။
https://t.me/MyanmarNationalPost
No comments:
Post a Comment