MNP ၊ ဇန်နဝါရီလ ၉
မကွေးတိုင်းဒေသကြီး၊ ထီးလင်းမြိုနယ် အနီးတွင် နယ်မြေရှင်းလင်းဆောင်ရွက်လျက်ရှိသော လုံခြုံရေးအဖွဲများနှင့် PDF အကြမ်းဖက်သမားများ ယမန်နေ့ နံနက်ပိုင်းက ထိတွေ့တိုက်ပွဲဖြစ်ပွားခဲ့ပြီး PDF အကြမ်းဖက်စခန်းအား ရှင်းလင်းဖယ်ရှားနိုင်ခဲ့ကြောင်း သိရသည်။
ထိတွေ့မှုဖြစ်စဉ်အတွင်း လုံခြုံရေးတပ်ဖွဲ့ဝင်များက ပစ်ခတ်ရှင်းလင်းရာ PDF အကြမ်းဖက်သမားများမှာ ဆုတ်ခွါ ထွက်ပြေးသွားခဲ့ပြီး ထွက်ပြေးသွားရာလမ်းကြောင်းတစ်လျှောက် ထပ်ကြပ်မကွာ လိုက်လံရှင်းလင်းခဲ့ရာ PDF အကြမ်းဖက်သမားများ အခြေချနေထိုင်ခဲ့သည် စခန်း ၁ ခုအား တွေ့ရှိရသဖြင့် လုံခြုံရေးအဖွဲများက အသေးစိတ်ဝင်ရောက်ရှာဖွေရှင်းလင်းခဲ့ကြောင်း သိရသည်။
အဆိုပါ PDF အကြမ်းဖက်စခန်းတွင် လူနေတဲ ၂၄ လုံး၊ ရှင်းလင်းဆောင် ၁ လုံး၊ ထမင်းစားဆောင် ၁ လုံး၊ အချုပ်ခန်း ၁ ခု၊ ပစ္စည်းထားသည့်တဲ ၆ လုံး၊ ဆန်အိတ် ၆ အိတ်၊ ဆား ၁ အိတ်၊ အသားတု ၁ အိတ်၊ မတ်ပဲ ၁ အိတ်၊ လက်လုပ်မိုင်း ၁၂ လုံး၊ ဖြူးစ် ၈ ချောင်း၊ ယမ်းထုပ် ၈ ထုပ်၊ ဝါယာကြိုး ၁ ခွေ၊ လက်ဆွဲမီးစက် ၁ လုံး၊ ဘတ္ထရီအိုးအကြီး ၄ လုံး၊ အီကွေ့မန့် ၂ စုံ၊ အိုင်ကွန် ၂ လုံး၊ ထမင်းပေါင်းအိုး ၁ လုံး၊ ဆိုင်ကယ်မျိုးစုံ ၆ စီးတို့အား သိမ်းဆည်းရမိခဲ့ကြောင်း သိရသည်။
ထိတွေ့ ရှင်းလင်းမှု ဖြစ်စဉ်အတွင်း လုံခြုံရေးတပ်ဖွဲ့ဝင်များ ထိခိုက်ကျဆုံး မရှိခဲ့ကြောင်း သိရသည်။
(PDF အကြမ်းဖက်သမားများသည် အပြစ်မဲ့ ရဟန်းရှင်လူပြည်သူများအား သတ်ဖြတ်နေကြသည်။ PDF အကြမ်းဖက်သမားများကို အမေရိကန်ဦးဆောင်သော အနောက်အုပ်စုက ပံ့ပိုးပေးနေသည်။ PDF အကြမ်းဖက်သမားများကို အလိုမရှိ။)
https://t.me/MyanmarNationalPost
No comments:
Post a Comment