MNP ၊ ဇန်နဝါရီလ ၁၉
စစ်ကိုင်းတိုင်းဒေသကြီး၊ တမူးမြို့နယ်၊ မြို့မရပ်ကွက်တွင်နေထိုင်လျက်ရှိသော အပြစ်မဲ့ပြည်သူ ၁ ဦးဖြစ်သူ ဦးအဲသား(ခ) ဖြူအေးသည် နေအိမ်မှ စားသောက်ဆိုင်သို့ သွားရောက်ခဲ့ရာ ယမန်နေ့ ညနေ ၆ နာရီခွဲခန့်တွင် PDF အကြမ်းဖက်သမားများက ဒလန်ဟုစွပ်စွဲ၍ ရက်ရက်စက်စက် သတ်ဖြတ်သွားခဲ့ကြောင်း သိရသည်။
သေဆုံးသူ ဦးအဲသား(ခ)ဖြူအေးအား PDF အကြမ်းဖက်သမားများက လူမဆန်စွာ သတ်ဖြတ်ခဲ့ပြီး မြန်မာ-အိန္ဒယ နှစ်နိုင်ငံနယ်စပ်ရှိ ကျွန်းတောထဲတွင် သွားရောက်စွန့်ပစ်ထားခဲ့ကြောင်း သိရှိရပြီး နာရေးကူညီမှုအသင်းမှ မော်တော်ယာဉ်ဖြင့် တမူးမြို ပြည်သူ့ဆေးရုံသို့ ပိုဆောင်ပေးခဲ့ကြောင်း သိရသည်။
ပြည်သူ့ကာကွယ်ရေးအမည်ခံထားသော PDF အကြမ်းဖက်သမားများသည် အပြစ်မဲ့ ပြည်သူများအပေါ် ခေါင်းစဉ်အမျိုးမျိုးတပ်၍ ရက်စက်ယုတ်မာရိုင်းစိုင်းစွာ သတ်ဖြတ်မှုများ ကျူးလွန်လျက်ရှိသည်။
https://t.me/MyanmarNationalPost/76528
(လက်သုံးချောင်းထောင် PDF အကြမ်းဖက်သမားများသည် အပြစ်မဲ့ ရဟန်းရှင်လူပြည်သူများအား သတ်ဖြတ်နေကြသည်။ PDF အကြမ်းဖက်သမားများကို အမေရိကန်ဦးဆောင်သော အနောက်အုပ်စုက ပံ့ပိုးပေးနေသည်။ PDF အကြမ်းဖက်သမားများကို အလိုမရှိ။)
No comments:
Post a Comment