MNP - ဇန်နဝါရီ ၁၈
မွန်ပြည်နယ်၊ပေါင်မြို့နယ်တွင် မီးဘေးအန္တရာယ်ဆိုင်ရာ အသိပညာပေး(Talk Show) ပြုလုပ်ခြင်းကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ ယနေ့ နေ့နံနက်ပိုင်းကပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်တင်ဇာစိုးက ( Talk Show) ပြုလုပ်ရခြင်း၏ရည်ရွယ်ချက်ကိုပြောကြားသည်။
ထို့နောက် ပေါင်မြို့နယ်မီးသတ်ဦးစီးဌာနမှ ဒုတိယဦးစီးမှုး ဦးကျော်ဇင်ဟိန်းက မီးဘေးအန္တရာယ် အကြောင်းသိကောင်းစရာများ၊မီးဘေးကြုံတွေ့လာပါက မီးသတ်ဦးစီးဌာနအနေဖြင့် အရေးပေါ်ကယ်ဆယ်ရေးလုပ်ငန်းများဆောင်ရွက်ထားရှိမှုများ၊မြို့နယ်အနေဖြင့် မီးဘေးအန္တရာယ်နှင့်ပတ်သတ်ပြီးလိုအပ်သည်များကိုဆောင်ရွက်ထားရှိမှု ၊ကြိုတင်ပြင်ဆင်ထားရှိမှုများ၊ပြည်သူများအနေဖြင့်မီးချိတ်၊မီးကပ်၊သဲပုံး၊ရေပုံးများအပြင် ရေကန်များတွင်ရေဖြည့်ထားကြရန်စသည့်အချက်များကိုလိုက် နာဆောင်ရွက်ပေးခြင်းစသည့် အကြောင်းအရာများကိုအကျယ်တစ်ဝင့်ဆွေးနွေးခဲ့သည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန အနေဖြင့် ( Talk Show) ပြုလုပ်ခြင်းဖြင့် ပြည်သူများအသိပညာများတိုးပွားစေရန်ရည်ရွယ်ပါသည်။
https://t.me/MyanmarNationalPost
No comments:
Post a Comment