MNP - ဇန်နဝါရီ ၁၉
မွန်ပြည်နယ်၊ပေါင်မြို့နယ်တွင် ခွေးရူးရောဂါအန္တရာယ်ဆိုင်ရာ အသိပညာပေး(Talk Show) ပြုလုပ်ခြင်းကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ ယနေ့ နေ့နံနက်ပိုင်းကပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်တင်ဇာစိုးက ( Talk Show) ပြုလုပ်ရခြင်း၏ရည်ရွယ်ချက်ကိုပြောကြားသည်။
ထို့နောက် ပေါင်မြို့နယ်မွေးမြူးရေးနှင့်ကုသရေးဦးစီးဌာနမှလက်ထောက်ညွှန်ကြားရေးမှူး ဒေါက်တာသက်နိုင် ကခွေးရူးရောဂါသည်ဗိုင်းရပ်ပိုးကြောင့်ဖြစ်ကြောင်း၊ခွေးရူးရောဂါဖြစ်စေသော ဗိုင်းရပ်စ်ပိုးသည် သွေးထဲတွင်မနေဘဲဦးနှောက်တွင်သာရှာဖွေစမ်းသပ်နိုင်ကြောင်း၊ခွေးရူးရောဂါကူးစက်ခံရသူသည် လေတိုက်မခံနိုင်ခြင်း၊ရေကြောက်ခြင်း ၊သွားရေကျခြင်းစသည့်လက္ခဏာများ၊ခွေးရူးပြန်ရောဂါမဖြစ်ပွားအောင် ခွေးကိုက်သည်နှင့်နှစ်ဆယ့်လေးနာရီအတွင်းကာကွယ်ဆေးထိုးလျင်ခွေးရူးရောဂါမှကာကွယ်နိုင်ကြောင်း စသည့်အကြောင်းအရာများကိုဆွေးနွေးခဲ့ကြောင်း သိရသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန အနေဖြင့် ( Talk Show) ပြုလုပ်ခြင်းဖြင့် ပြည်သူများအသိပညာများတိုးပွားစေရန်ရည်ရွယ်ပါသည်။
https://t.me/MyanmarNationalPost
No comments:
Post a Comment