MNP - ဇန်နဝါရီ ၂၄
မွန်ပြည်နယ်၊ ဘီးလင်းမြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနရုံး ၊လူထုအခြေပြုဗဟိုဌာန (Community Centre) ခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီး ဌာန တို့ ပူးပေါင်း၍ ဇန်နဝါရီ (၂၄)ရက် နံနက် (၁၀)နာရီက စားသုံးသူဆိုင်ရာ အသိပညာပေး Talk Show ဆွေးနွေးပွဲကို ကျင်းပ ပြုလုပ်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့် ပြည်သူ့ ဆက်ဆံရေးဦးစီးဌာနမှ ဦးစီးအရာရှိ ဒေါ်အေးမျိုးမျိုးစံ က စားသုံးသူဆိုင်ရာ အသိပညာပေး Talk Show အစီအစဉ်ပြုလုပ် ရခြင်းကို ရှင်းလင်းပြောကြားခဲ့သည်။
ထို့နောက် ဘီးလင်းမြို့နယ် စားသုံးသူရေးရာဦးစီးဌာနမှဦးစီးမှူးဒေါ်ဇင်ဖြူဝင်း က စားသုံးသူများ၏အခွင့်အရေးနှင့် စားသုံးသူများနစ်နာမှု ဖြစ်ပေါ်လာပါက ဆောင်ရွက်ရမည့် နည်းလမ်းများနှင့်ဌာနမှ ဖြေရှင်းပေးမှုအခြေအနေ ကို လည်းကောင်း၊ ၊အကြီးတန်းစာရေး နော်အေးမို့မို့က ထုတ်ကုန်လုံခြုံမှုနှင့် စီးပွားရေးလုပ်ငန်းရှင်များ လိုက်နာရမည့် အချက်များ ၊ တားမြစ်ချက်များကို လိုက်နာမှုမရှိပါကဥပဒေအရ အရေးယူနိုင်သည့် ပြစ်မှု၊ပြစ်ဒဏ်များ ကို လည်းကောင်း ဆွေးနွေးခဲ့ကြ သည်။
ဘီးလင်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခု ကဲ့သို့ အသိပညာပေး Talk Show ဆွေးနွေး ပွဲအစီအစဉ် များ ရိုက်ကူး ထုတ်လွှင့်ခြင်းအပါအဝင် စာသင်ကျောင်းများနှင့် ပြည်သူ အသိပညာပေး ဝန်ဆောင်မှုလုပ်ငန်းများကို စဉ်ဆက်မပြတ် ဆောင်ရွက် လျှက်ရှိကြောင်း သိရသည်။
ထူးနောင်
https://t.me/MyanmarNationalPost
No comments:
Post a Comment