MNP - ဖေဖော်ဝါရီ ၁၈
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ဒဂုံမြို့သစ်(အရှေ့ပိုင်း)မြို့နယ်၌ အားကစားနှင့်လူငယ်ရေးရာဝန်ကြီးဌာန၊ မြို့နယ်အားကစားနှင့်ကာယပညာဦးစီးဌာန၏ စီစဉ်မှုဖြင့် သူနာပြုနှီးနွယ်ကွင်းဆင်းလေ့ကျင့်ရေးကျောင်းဖြင့် ပူးပေါင်းကာ Aerobic &Fitness Dance သင်တန်းကို အဆိုပါသူနာပြုနှီးနွယ်ကွင်းဆင်းလေ့ကျင့်ရေးကျောင်း ရတနာခန်းမ၌ယမန်နေ့ နံနက်ပိုင်းကသင်ကြားပေးလျက်ရှိကြောင်းသိရသည်။
အဆိုပါသင်တန်းတွင် မြို့နယ်အားကစားနှင့်ကာယပညာဦးစီးဌာနမှ ဦးစီးအရာရှိ ဒေါ်ခင်ဆွေအေးနှင့်ဝန်ထမ်းများက နည်းပြများအဖြစ်Aerobic and Fitness Dance သင်တန်းတွင် အားကစားနည်းလေ့ကျင့်ခန်းများ၊ ကိုယ်လက်လှုပ်ရှားအားကစားနည်းများ၊ Aerobicအားကစားနည်းများအား သူနာပြုနှီးနွယ်ကွင်းဆင်းလေ့ကျင့်ရေးကျောင်းမှ သူနာပြုဆရာမများအား သင်ကြားပေးခဲ့ကြောင်းသိရသည်။
၎င်းသင်တန်းတွင် သူနာပြုနှီးနွယ်ကွင်းဆင်းလေ့ကျင့်ရေးကျောင်းမှ သူနာပြုဆရာမ (၁၅၀)ဦးဖြင့် ဖေဖော်ဝါရီလ၁၄ရက်မှ စတင်ဖွင့်လှစ်ခဲ့ရာမတ်လ ၁၄ ရက်နေ့အထိ သင်တန်းကာလ ၁လ ကြာသင်ကြားပို့ချပေးသွားမည်ဖြစ်ကြောင်းသိရှိရသည်။
ဇွဲမင်းထက်
https://t.me/MyanmarNationalPost
No comments:
Post a Comment