MNP - ဖေဖော်ဝါရီ ၈
၂၀၂၃ ခုနှစ်၊ ပဲခူးခရိုင်အားကစားနှင့်ကာယပညာဦးစီးဌာနနှင့် အခြေခံပညာဦးစီးဌာနတို့ ပူးပေါင်းဖွင့်လှစ်သော Aerobic & Fitness Dance သင်တန်းဆင်းပွဲအခမ်းအနားကို ယမန်နေ့နံနက် ၁၀ နာရီက ပဲခူးမြို့ အမှတ်(၁)အခြေခံပညာအထက်တန်းကျောင်းရှိ သီရိပညာခန်းမ၌ ကျင်းပပြုလုပ်ခဲ့သည်။
ရှေးဦးစွာ အခမ်းအနားတွင် ပဲခူးခရိုင်အားကစားနှင့်ကာယပညာဦးစီးဌာန ခရိုင်ဦးစီးမှူး ဒေါ်သန္တာဝင်းက သင်တန်းဆင်းအမှာစကားပြောကြားခဲ့ပြီး အ.ထ.က(၁) ကျောင်းအုပ်ဆရာမကြီးဒေါ်ကြည်ကြည်ဝင်းက ကျေးဇူးတင်စကား ပြန်လည်ပြောကြားခဲ့သည်။ ထို့နောက် ပဲခူးခရိုင်အားကစားနှင့်ကာယပညာဦးစီးဌာန ခရိုင်ဦးစီးမှူးဒေါ်သန္တာဝင်းက Aerobic & Fitness Dance သင်ကြားပေးခဲ့သော သင်တန်းနည်းပြဆရာမအား ဂုဏ်ပြုလက်ဆောင် ချီးမြှင့်ခဲ့ပြီး သင်တန်းဆင်းကျောင်းသူလေးများအား သင်တန်းဆင်းလက်မှတ်များ ပေးအပ်ချီးမြှင့်ခဲ့သည်။ ယင်းနောက် သင်တန်းဆင်းကျောင်းသူလေးများမှ Aerobic & Fitness Dance သရုပ်ပြဖျော်ဖြေခဲ့ကြပြီး တက်ရောက်လာကြသော တာဝန်ရှိသူများနှင့် အမှတ်တရစုပေါင်းမှတ်တမ်းတင် ဓါတ်ပုံရိုက်ကူးခဲ့ကြသည်။
အဆိုပါအခမ်းအနားသို့ ပဲခူးခရိုင်အားကစားနှင့်ကာယပညာဦးစီးဌာန ခရိုင်ဦးစီးမှူးဒေါ်သန္တာဝင်း၊ ပဲခူးခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်ဦးစီးမှူးဒေါ်ယဉ်ယဉ်နု၊ အ.ထ.က(၁)ကျောင်းအုပ်ဆရာမကြီးဒေါ်ကြည်ကြည်ဝင်းနှင့် ဆရာမများ၊ သင်တန်းနည်းပြဆရာမနှင့် ကျောင်းသူလေးများ တက်ရောက်ခဲ့ကြကြောင်း သိရသည်။
သက်ဖြိုးကြိုင်
https://t.me/MyanmarNationalPost
No comments:
Post a Comment