ASEAN Gender Mainstreaming နှင့်စပ်လျဉ်းသည့် ရှင်းလင်းခြင်းဆိုင်ရာ အစည်းအဝေးကျင်းပ

MNP   -  ဖေဖော်ဝါရီ ၁၅

အာဆီယံမဏ္ဍိုင်(၃)ရပ်အောက်ရှိ ဌာနဆိုင်ရာများမှ အာဆီယံအဆင့်မြင့်အရာရှိကြီးများအား ASEAN Gender Mainstreaming နှင့်စပ်လျဉ်းသည့် ရှင်းလင်းခြင်းဆိုင်ရာ အစည်းအဝေးကို ယနေ့မွန်းလွဲပိုင်းတွင် နေပြည်တော်ရှိ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန စုပေါင်းခန်းမ၌ကျင်းပသည်။

အစည်းအဝေးတွင် ပြည်ထောင်စုဝန်ကြီး ဒေါက်တာသက်သက်ခိုင်က ၂၀၂၂ ခုနှစ် နိုဝင်ဘာ၂၃ ရက်မှ ၂၄ ရက်အထိ ဗီယက်နမ်နိုင်ငံဟနွိုင်းမြို့၌ ကျင်းပခဲ့သော ACWC and ACW Special Consul-tation Meeting on ASEAN Gender Mainstreaming Strategic Framework ဆွေးနွေးချက်များအရ အာဆီယံအဖွဲ့ဝင်နိုင်ငံများ အနေဖြင့် ASEAN Pillar များဖြစ်သည့် APSC၊ AEC နှင့် ASCC အောက်ရှိ Sectoral Bodies များမှတာဝန်ရှိသူများကို ASEAN Gender Mainstreaming ဆိုင်ရာ အချက်အလက်များ သိရှိနိုင်ရေး ဆွေးနွေးလိုသည့်အတွက် ယနေ့ အစည်းအဝေးကို ကျင်းပရခြင်းဖြစ်ကြောင်း။

မြန်မာနိုင်ငံလုံးဆိုင်ရာအမျိုးသမီးကော်မတီ၏ဦးဆောင်မှုဖြင့် အမျိုးသမီးများဖွံ့ဖြိုးတိုးတက်ရေးဆိုင်ရာ အမျိုးသားအဆင့်မဟာဗျူဟာစီမံကိန်း (NSPAW) (၂၀၁၃-၂၀၂၂)အရ လုပ်ငန်းစဉ်များကို အကောင်အထည်ဖော်ဆောင်ရွက်ခဲ့ပြီး အမျိုးသမီးများ ဖွံ့ဖြိုးတိုးတက်ရေးဆိုင်ရာ အမျိုးသားအဆင့် မဟာဗျူဟာစီမံကိန်း (NSPAW Phase II) ကို ဆက်လက်၍ရေးဆွဲရန် လုပ်ငန်းအစီအစဉ်များချမှတ် ဆောင်ရွက်လျက် ရှိကြောင်း၊ မြန်မာနိုင်ငံသည် အမျိုးသမီးများအားနည်းမျိုးစုံဖြင့် ခွဲခြားမှုပပျောက်ရေးဆိုင်ရာ ကုလသမဂ္ဂကွန်ဗင်းရှင်းကို ၁၉၉၇ ခုနှစ်တွင် အတည်ပြု လက်မှတ်ရေးထိုးခဲ့ပြီး ကွန်ဗင်းရှင်း အကောင်အထည်ဖော်ဆောင်ရွက်မှု အစီရင်ခံစာများပေးပို့ဆောင်ရွက်လျက်ရှိကြောင်း၊ အမျိုးသမီးများ အကြမ်းဖက်ခံရမှုနှင့်ပတ်သက်၍ တိုင်ကြားနိုင်ရန် Helpline ဖုန်းနံပါတ် “1566” ဖြင့် ဝန်ဆောင်မှုပေးလျက်ရှိပြီး ဌာနဆိုင်ရာများ၌ Gender Mainst- reaming ဖြစ်စေရေး၊ အမျိုးသမီးစွမ်းပကား မြင့်မားစေရေးအတွက် Gender/CEDAW/ NSPAW/ UNSCR 1325 အသိပညာပေးသင်တန်းများကို ဖွင့်လှစ်လျက် ရှိကြောင်း။

ထို့ပြင် “ကိုဗစ် - ၁၉ ကာလအတွင်း ကျေးလက်နေ အမျိုးသမီးများအတွက် အသက်မွေး ဝမ်းကျောင်းလုပ်ငန်းများ ပြန်လည်ထူထောင်ရေးဆိုင်ရာ လုပ်ငန်းစီမံချက်” ကို ၂၀၂၂-၂၀၂၃ဘဏ္ဍာနှစ်အတွင်း နေပြည်တော်ကောင်စီနှင့် ရခိုင်ပြည်နယ် စီမံချက်ကျေးရွာများ၌ Quick Win Project အနေဖြင့် အကောင်အထည်ဖော် ဆောင်ရွက်လျက်ရှိကြောင်း၊ အာဆီယံကဏ္ဍခွဲအသီးသီးမှ တာဝန်ရှိသူများအနေဖြင့် ကဏ္ဍခွဲများအလိုက် လုပ်ငန်းဆောင်ရွက်မှုများတွင် ကျား/မရေးရာအမြင်ဖြင့် ဆောင်ရွက်ထားရှိမှုများ၊ အကြံပြုချက်များနှင့် အတွေ့အကြုံများကို ဆွေးနွေးအကြံပြုကြရန် တိုက်တွန်းပါကြောင်း ပြောကြားသည်။

ရှင်းလင်းဆွေးနွေး

ထို့နောက် ACWC ၏ ကလေးသူငယ်အခွင့်အရေး ကိုယ်စားလှယ် လူမှုဝန်ထမ်းဦးစီးဌာန ညွှန်ကြားရေးမှူးချုပ်က အာဆီယံကဏ္ဍခွဲများနှင့် Focal Person အဖြစ် တာဝန်ယူဆောင်ရွက်မှုများ၊ ASEAN Gender Mainstreaming Strategic Framework-AGMSF ပါ အချက်အလက်များကို ရှင်းလင်းဆွေးနွေးပြီး ACWC ၏ အမျိုးသမီးအခွင့်အရေး ကိုယ်စားလှယ်၊ မြန်မာနိုင်ငံအမျိုးသမီးရေးရာအဖွဲ့ချုပ်ဥက္ကဋ္ဌက မြန်မာနိုင်ငံ အမျိုးသမီးရေးရာအဖွဲ့ချုပ်မှ ဆောင်ရွက်လျက်ရှိသော အမျိုးသမီးများဖွံ့ဖြိုးတိုးတက်ရေး ဆိုင်ရာလုပ်ငန်းများကို ရှင်းလင်းဆွေးနွေးကြသည်။

ယင်းနောက် ASEAN Sectoral Bodies များနှင့် ကဏ္ဍခွဲအသီးသီးတွင် Focal Point အဖြစ်တာဝန်ယူ ဆောင်ရွက်နေကြသော တာဝန်ရှိသူများကကဏ္ဍအလိုက် အကောင်အထည်ဖော်ဆောင်ရွက်မှုများကို ဆွေးနွေးခဲ့ကြကြောင်း သိရသည်။

 https://t.me/MyanmarNationalPost