MNP - ဖေဖော်ဝါရီ ၁၄
ပဲခူးတိုင်းဒေသကြီးအစိုးရအဖွဲ့၏ လမ်းညွှန်မှု၊ ပဲခူးခရိုင်စီမံအုပ်ချုပ်ရေးအဖွဲ့၊ ဥက္ကဋ္ဌ၏ အနီးကပ်ကြီးကြပ်မှုဖြင့် အခြေခံလူတန်းစားပြည်သူများ သက်သာသောနှုန်းထားဖြင့် ဝယ်ယူစားသောက်နိုင်ရေးအတွက် ယနေ့နံနက်ပိုင်းက ပဲခူးခရိုင်နှင့် ပဲခူးမြို့နယ်အထွေထွေအုပ်ချုပ်ရေးဦးစီးဌာနဝန်ထမ်းမိသားစုများမှ ပဲခူးမြို့တွင် တန်ဖိုးသင့် ထမင်း၊ ဟင်းများကို ရောင်းချပေးခဲ့ကြောင်း သိရသည်။
တန်ဖိုးသင့်ထမင်း၊ဟင်းများကို ပဲခူးမြို့၊ မဇင်းရပ်ကွက်နှင့် ဥဿာမြို့(၁)ရပ်ကွက်တို့တွင် အခြေခံလူတန်းစားအများပြည်သူများအတွက် သက်သာသောဈေးနှုန်းဖြင့် စားသုံးနိုင်ရန် ထမင်း/ ဟင်း (၁)ပွဲလျှင် ၅၀၀ကျပ်နှုန်းဖြင့် (ထမင်း၊ ဘဲဥ၊ ချဉ်ဟင်း၊ ငါးဟင်း၊ အစိမ်းကြော်၊ ငပိရည်) တို့စရာတို့ပါဝင်ကာ ပဲခူးခရိုင်အုပ်ချုပ်ရေးမှူးနှင့် ပဲခူးမြို့နယ်အုပ်ချုပ်ရေးမှူးတို့၏ အနီးကပ်ကြီးကြပ်လမ်းညွှန်မှုဖြင့် ခရိုင်/ မြို့နယ်ထွေအုပ်ဝန်ထမ်းများ၊ ခရိုင်/ မြို့နယ်အမျိုးသမီးရေးရာအသင်းနှင့် မိခင်နှင့်ကလေးရှောက်ရေးအဖွဲ့တို့ပူးပေါင်း၍ ရောင်းချပေးခဲ့ကြကြောင်း သိရသည်။
သက်ဖြိုးကြိုင်
https://t.me/MyanmarNationalPost
No comments:
Post a Comment