MNP - ဖေဖော်ဝါရီ ၇
ကျောင်းသား၊ ကျောင်းသူများ မူးယစ်ဆေးဝါးအန္တရာယ်ကို သိရှိနိုင်စေရန်နှင့် ရှောင်ရှားနိုင်စေရန်ရည်ရွယ်၍ ရန်ကုန်တိုင်းဒေသကြီး၊ မရမ်းကုန်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အခြေခံပညာဦးစီးဌာနနှင့် ပြည်သူ့ကျန်းမာရေးဖောင်ဒေးရှင်းတို့ပူးပေါင်း၍ ယနေ့မွန်းလွဲ ၁ နာရီက အမှတ်(၄) အခြေခံပညာအလယ်တန်းကျောင်း၌ “ဆေးလိပ်၊ ကွမ်းယာ ကင်းစင်ပ စာသင်ကျောင်းကစ”ကဗျာရွတ်ဆိုပြိုင်ပွဲ ကျင်းပပြုလုပ်ခဲ့သည်။
အဆိုပါကဗျာရွတ်ဆိုပြိုင်ပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးက ဆေးလိပ်သောက်ခြင်း၊ ကွမ်းစားခြင်းကြောင့်ဖြစ်ပေါ်လာမည့် အန္တရာယ်များအကြောင်းနှင့် ပြိုင်ပွဲခြင်းပရခြင်း၏ရည်ရွယ်ချက်အား ရှင်းလင်းပြောကြားခဲ့သည်။ ထို့နောက်ကျောင်းသား၊ ကျောင်းသူလေးများက “ဆေးလိပ်၊ ကွမ်းယာ ကင်းစင်ပ စာသင်ကျောင်းကစ” ကဗျာစာအုပ်ပါ ကြိုက်နှစ်သက်ရာ ခေါင်းစဉ်ဖြင့် အုပ်စုလိုက်ယှဉ်ပြိုင်ခဲ့ကြရာ ဆုရှိသူများအား တာဝန်ရှိသူများမှ ဆုများအသီးသီးချီးမြှင့်ခဲ့ကြကြောင်း သိရသည်။
အေးအေးအောင်
https://t.me/MyanmarNationalPost
No comments:
Post a Comment