MNP - ဖေဖော်ဝါရီ ၈
ရခိုင်ပြည်နယ်၊ ဘူးသီးတောင်မြို့နယ် အလကစကခ-၁၅၊အခြေခံပညာအလယ်တန်းကျောင်း၌ အားကစားနှင့်လူငယ်ရေးရာဝန်ကြီးဌာန၊ မြို့နယ် အားကစားနှင့်ကာယပညာဦးစီး ဌာနမှ ကြီးမှူး၍ အားကစားအသိပညာပေး ဟောပြောပွဲကိုယမန်နေ့က အဆိုပါကျောင်းခန်းမဆောင်တွင် ကျင်းပခဲ့ကြောင်းသိရသည်။
ရှေးဦးစွာ ဘူးသီးတောင်မြို့နယ်အားကစားနှင့်ကာယပညာဦးစီးဌာနမှ မြို့နယ်အားကစားမှူးဒေါ်ဥမ္မာသန်းက “လူငယ်နှင့် အားကစား” ခေါင်းစဉ်ဖြင့်အသိပညာပေး ဆွေးနွေးဟောပြောကြားခဲ့သည်။ ဆက်လက်၍ နိုင်ငံတော်အစိုးရမှ(၂၀၂၃-၂၀၂၄)ပညာသင်နှစ်တွင် ဖွင့်လှစ်သွားမည့် အားကစားသိပ္ပံ(စစ်တွေ) ကျောင်းသို့ တက်ရောက်ခွင့်ရရှိရေးအတွက် အားကစားသိပ္ပံနှင့်ပတ်သက်၍ သိသင့်သိထိုက်သော အချက် အလက်များအား ရှင်းလင်းပြောကြားခဲ့သည်။
အဆိုပါ ဟောပြောပွဲသို့အလက စကခ-၁၅၊အခြေခံပညာအလယ်တန်းကျောင်းမှဆရာ၊ ဆရာမများနှင့်ကျောင်းသား/သူ (၁၀၀) ဦး တက်ရောက်ခဲ့ပြီးအားကစားအသိပညာပေးဟောပြောခဲ့ကြကြောင်း မြို့နယ်အားကစားဦးစီးမှူးဒေါ်ဥမ္မာသန်းထံမှသိရသည်။
လှကျော်
https://t.me/MyanmarNationalPost
No comments:
Post a Comment