MNP - ဖေဖော်ဝါရီ ၂၃
ဒေသတွင်းပြည်သူများ၊ ဌာနဆိုင်ရာ ဝန်ထမ်းများ စားသောက်ရေး အထောက်အကူပြုစေရန် ရည်ရွယ်၍ နယ်မြေခံတပ်မတော်သားများက မန္တလေးတိုင်းဒေသကြီး၊ သပိတ်ကျင်းခရိုင်၊ သပိတ်ကျင်းမြို့နယ် အခြေခံပညာ အထက်တန်းကျောင်းတွင် ယနေ့နံနက်(၇:ဝ၀) နာရီမှ (၉:၀၀)နာရီအချိန်အထိ ဆန်၊ဆီ၊ကြက်သား၊ကြက်ဥနှင့် အခြေခံ စားသောက်ကုန်ပစ္စည်းများကို (အဋ္ဌမ)အကြိမ်မြောက် သက်သာသော စျေးနှုန်းများဖြင့် လာရောက်ရောင်းချပေးခဲ့သည်။
ထိုသို့ရောင်းချပေးရာတွင် ဆန်(၁) ပြည် ၁၆၀၀ကျပ်၊ဆီ( ၁)ပိဿာ၇၀၀၀ကျပ်၊ကုလားပဲတစ်ပြည် ၂၀၀၀ကျပ်၊ ကြက်သွန်နီ( ၁)ပိဿာ၁၇၅၀ကျပ်၊အာလူး( ၁)ပိဿာ၂၄၀၀ကျပ်ဖြင့် နယ်မြေခံတပ်မတော်သားများနှင့် တာဝန်ရှိသူများက တပ်ပိုင်နှင့် တစ်ပိုင်တစ်နိုင် စိုက်ပျိုးမွေးမြူရေးလုပ်ငန်းများမှ ထွက်ရှိသည့် စားသောက်ကုန်များ၊ တပ်မတော်စက်ရုံများမှ ထုတ်လုပ်သည့် ခေါက်ဆွဲခြောက်၊ အားဖြည့်အချိုရည်၊ ကော်ဖီမစ်၊ စည်သွတ်ဘူးများ စသည့် စားသောက်ကုန်ပစ္စည်းများကို ပြင်ပပေါက်စျေးထက် သက်သာသော စျေးနှုန်းများဖြင့် လာရောက်ရောင်းချပေးခဲ့ကြောင်း သိရသည်။
ထိုသို့ရောင်းချပေးရာသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းထိုက်အောင်၊ အဖွဲ့ဝင် ( ၁)ဗိုလ်မှုးဝင်းမြတ်သူနှင့် တာဝန်ရှိသူများ၊ နယ်မြေခံတပ်မှ တာဝန်ရှိသူများ လာရောက်ကြည့်ရှုအားပေးခဲ့ကြပြီး ဌာနဆိုင်ရာဝန်ထမ်းများနှင့် ဒေသရှိပြည်သူ ( ၁၅၀) ဦးခန့်လာရောက်ဝယ်ယူခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment