MNP - ဖေဖော်ဝါရီ ၂၃
ရန်ကုန်တိုင်းဒေသကြီး၊ ဗိုလ်တထောင်ခရိုင်၊ ပုဇွန်တောင်မြို့နယ်တွင် ၂၀၂၂-၂၀၂၃ ပညာသင်နှစ်၊ အခြေခံပညာအလယ်တန်းအဆင့်နှင့် အထက်တန်းအဆင့်စာမေးပွဲများကို တစ်မြို့နယ်လုံး အတိုင်း အတာဖြင့် ယမန်နေ့နံနက် ၉ နာရီအချိန်မှ စတင်ဖြေဆိုလျက်ရှိရာ မြို့နယ်အတွင်းရှိ အခြေခံပညာ ကျောင်းများ၌ ကျောင်းသား၊ ကျောင်းသူများ အေးချမ်းစွာ ဖြေဆိုလျက်ရှိကြောင်း သိရသည်။
အခြေခံပညာစာမေးပွဲ အလယ်တန်းအဆင့်တွင် Grade-5 ဖြေဆိုသူ (၇၁)ဦးနှင့် အထက်တန်းအဆင့်တွင် Grade-9 ဖြေဆိုသူ (၁၁၃)ဦး ဖြေဆိုလျက်ရှိပြီး စာစစ်ဌာနများဖြစ်သော အ-ထ-က(၂)၊ အ-ထ-က(၄)၊ အ-လ-က(၃)နှင့် အ-မ-က(၆)များတွင် မြို့နယ်ပညာရေးမှူးနှင့် ကျောင်းအုပ်ဆရာမကြီးများ၊ ဆရာ/ ဆရာမများ၊ ရပ်ကွက်အုပ်ချုပ်ရေးအဖွဲ့ဝင်များမှ ကျောင်းသား/ကျောင်းသူများ စာမေးပွဲကို အေးချမ်းစွာ ဖြေဆိုနိုင်ရန် အနီးကပ်ကြီးကြပ် ဆောင်ရွက်လျက်ရှိသည်။
အဆိုပါစာမေးပွဲအား မြို့နယ်အတွင်းရှိ အခြေခံပညာကျောင်းများတွင် ဖေဖော်ဝါရီလ (၂၂)ရက်နေ့မှ စတင်၍ တစ်ပြိုင်နက်စတင်ဖြေဆိုကြခြင်းဖြစ်ပြီး ဖေဖော်ဝါရီ ၂၈ ရက်နေ့ထိ ဖြေဆိုကြရမည်ဖြစ်ကြောင်း မြို့နယ်ပညာရေးမှူးရုံးမှ သိရသည်။
ဟန်စုယဉ်
https://t.me/MyanmarNationalPost
No comments:
Post a Comment