MNP - ဖေဖော်ဝါရီ ၆
စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့တွင် (၇၆)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် မြို့နယ်အဆင့် စာစီစာကုံးပြိုင်ပွဲကို ယနေ့နံနက် ၁၀နာရီအချိန်က အမှတ်(၂) အခြေခံပညာအထက်တန်းကျောင်းရွှေရတုခန်းမ၌ ကျင်းပခဲ့ကြောင်း သိရသည်။
အဆိုပါ ပြိုင်ပွဲတွင်အထက်တန်းအဆင့် စာစီစာကုံးပြိုင်ပွဲတွင် ပြည်ထောင်စုနှင့် အမျိုးသားတာဝန် ခေါင်းစဉ်ဖြင့်လည်းကောင်း၊ အလယ်တန်းအဆင့်တွင် ပြည်ထောင်စုနေ့ဒို့မမေ့ ခေါင်းစဉ်ဖြင့်လည်းကောင်း ရွှေဘိုမြို့နယ် ကျောင်းပေါင်းစုံမှ အထက်တန်း၊ အလယ်တန်းအဆင့် ကျောင်းသား/သူပေါင်း (၃၆)ဉီး ပါဝင်ယှဉ်ပြိုင်ခဲ့ကြကြောင်း သိရှိရသည်။
အဆိုပါပြိုင်ပွဲသို့ ခရိုင်/မြို့နယ်ပညာရေးမှူး၊ အထက်တန်းကျောင်းအုပ်ကြီးများ ဆရာ၊ ဆရာမများက ပါဝင်ယှဉ်ပြိုင်ကြသည့် ကျောင်းသား/သူများအား ကြည့်ရူ့အားပေးခဲ့ပြီး ပြိုင်ပွဲတွင် ဆုရရှိသည့် ကျောင်းသား၊ ကျောင်းသူများအား ၂၀၂၃ခုနှစ် ဖေဖော်ဝါရီလ ၁၂ရက်နေ့တွင် ကျရောက်မည့် (၇၆)နှစ်မြောက် ပြည်ထောင်စုနေ့အခမ်းအနားတွင် ဆုများ ချီးမြှင့်ပေးသွားမည် ဖြစ်ကြောင်း သိရှိရသည်။
https://t.me/MyanmarNationalPost
No comments:
Post a Comment