MNP - ဖေဖော်ဝါရီ ၂၃
ဧရာဝတီတိုင်းဒေသကြီး၊ ပုသိမ်ခရိုင်၊ ကန်ကြီးထောင့်မြို့နယ် ဒါးကတွင် ဖွင့်လှစ်ထားရှိသော ပညာပါရမီ ကိုယ့်အား ကိုယ်ကိုး စာကြည့်တိုက်အား မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးအရာရှိနှင့် ဝန်ထမ်းများက ယမန်နေ့နံနက်က ကွင်းဆင်းကြည့်ရှုစစ်ဆေးခဲ့သည်။
ဒါးက ပညာပါရမီ စာကြည့်တိုက်သည် ၂၀၁၂-၂၀၁၃ ဘဏ္ဏာနှစ်အတွင်း နိုင်ငံတော်မတည်ငွေကျပ်(၁၀)သိန်းနှင့် ဒေသခံပြည်သူထည့်ဝင်လှူဒါန်းငွေတို့ဖြင့် တစ်ထပ်အုတ်ညှပ်သွပ်မိုး အလျားပေ ၅၀× အနံ ပေ ၂၀ တို့ဖြင့် ဆောက်လုပ်ခဲ့ပြီး (၂၈-၁၂-၂၀၁၂) ရက်နေ့တွင် စတင်ဖွင့်လှစ်ခဲ့သည်။
သုတ ရသ စာအုပ်စာပေအုပ်ရေ(၁၆၀၀၀)ကျော်ရှိပြီး တပါတ်လျှင်(၅)ရက် ဖွင့်လှစ်လျှက် စာကြည့်တိုက် ကော်မတီဝင်များ၏ စီမံမှုဖြင့် စာကြည့်တိုက်မှူးတစ်ဦးထားရှိခဲ့ပြီး အဆိုပါစာကြည့်တိုက်မှူးမှ ရန်ကုန်မြို့တွင် ကျင်းပခဲ့သော စာကြည့်မှူးများညီလာခံသို့လည်း ၂ ကြိမ်တိုင် တက်ရောက်ထားသူလည်းဖြစ်သည်။
၂၀၂၃ ခုနှစ် ဖေဖော်ဝါရီ လ ၁၈ ရက်နေ့တွင် ဧရာဝတီတိုင်းဒေသကြီးစာကြည့်တိုက်များဖောင်ဒေးရှင်းမှ တာဝန်ရှိသူများမှလည်း ကွင်းဆင်းကြည့်ရှုခဲ့ပြီး လိုအပ်ချက်များ ဖြည့်ဆည်းပေးနိုင်ရေး ကော်မတီဝင်များနှင့် တွေ့ဆုံညှိနှိုင်းခဲ့ရာ ယနေ့တွင် မြို့နယ်ဦးစီးအရာရှိနှင့်ဝန်ထမ်းများက ဒါးက ပညာပါရမီစာကြည့်တိုက်အား လိုအပ်ချက်များ ကူညီဆောင်ရွက်ပေးနိုင်ရေး၊ စာကြည့်တိုက်ရေရှည် တည်တံ့ခိုင်မြဲရေးအတွက် ကွင်းဆင်းခဲ့ကြောင်း သိရသည်။
မဇင်
https://t.me/MyanmarNationalPost
No comments:
Post a Comment