MNP - ဖေဖေါ်ဝါရီ ၁၀
ရခိုင်ပြည်နယ်၊ ရမ်းဗြဲမြို့၌ ရမ္မာဝတီသဒ္ဓမ္မပါလပရိယတ္တိစာမေးပွဲဖြစ်မြောက်ရေးကော်မတီမှ ကြီးမှူး၍မြို့တစ်ပတ်လှည့်လည်ပြီး ဆွမ်းဆန်စိမ်း လောင်းလှူပွဲကို ယနေ့ မွန်းလွဲ ၃ နာရီက ကျင်းပကြသည်။
ထိုသို့ကျင်းပရာတွင် ရမ္မာဝတီသဒ္ဓမ္မပါလပရိယတိ္တစာမေးပွဲဖြစ်မြောက်ရေးကော်မတီဝင်များနှင့် မြို့မဂေါပကအဖွဲ့မှဦးဆောင်ပြီး ရမ္မာဝတီသဒ္ဓမ္မပါလ စာမေးပွဲသို့ကြွရောက်တော်မူကြသော ဆရာတော်ကြီးများ စာချဆရာတော်များ၊ စာမေးပွဲကြီးကြပ်ဆရာတော်များနှင့်ရမ္မာဝတီသဒ္ဓမ္မပါလပရိယတ္တိစာမေးပွဲတွင်ဝင်ရောက်ဖြေဆိုခဲ့ကြသော စာဖြေသံဃာတော်များ သံဃာတော်အပါး (၁၅၀)နှင့် သာသနာ့နွယ်ဝင် သီလရှင်များတို့သည် မြို့တစ်ပတ်လှည့်လည်၍ ဆွမ်းဆန်စိမ်းအလှူခံလျှက်ရှိရာ ရမ်းဗြဲမြို့ အောင်ဓမ္မဗိမာန်ဓမ္မာရုံမှ စတင်ပြီး အမှတ်(၆)ရပ်ကွက်၊ အမှတ်(၁) ရပ်ကွက်၊ အမှတ်(၂)ရပ်ကွက်၊ အမှတ်(၃)ရပ်ကွက်၊ အမှတ်(၄)ရပ်ကွက်မှ အမှတ်(၅)ရပ်ကွက်များသို့ မြို့တစ်ပတ်လှည့်လည် အလှူခံကြသည်။
အဆိုပါ ဆွမ်းဆန်စိမ်းလောင်းလှူပွဲကို ရမ်းဗြဲမြို့ပေါ်ရပ်ကွက် ၆ ရပ်ကွက်နေ ပြည်သူများမှလည်း သဒ္ဒါတရားထက်သန်စွာ ဝမ်းသာအားရ လောင်းလှူလျှက်ရှိကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment