ရွှေသွေးဂျာနယ်ထွက်ရှိ

MNP   -   ဖေဖော်ဝါရီ ၉

ပြန်ကြားရေးဝန်ကြီးဌာန ပုံနှိပ်ရေးနှင့်ထုတ်ဝေရေးဦးစီးဌာန စာပေဗိမာန်ရုံးက အပတ်စဉ် စနေနေ့တိုင်း ရွှေသွေးဂျာနယ်ကို ထုတ်ဝေဖြန့်ချိလျက်ရှိသည်။

၁၁-၂-၂၀၂၃ ရက် (စနေနေ့)တွင်ထွက်ရှိမည့် ရွှေသွေးဂျာနယ် အတွဲ (၅၅)၊ အမှတ် (၆) တွင် (၇၆)နှစ်မြောက် ပြည်ထောင်စုနေ့အား ကြိုဆိုဂုဏ်ပြုသောအားဖြင့် တင်ဆက်ထားသည့် “ပြည်ထောင်စုနေ့” မျက်နှာဖုံး ကာတွန်း၊ စကားပြောဆိုရာတွင် ပြောသင့်သည့်စကားနှင့် မပြောသင့်သည့်စကားကို ခွဲခြားသိနားလည်ရန်အတွက် ဗဟုသုတဖြစ်ဖွယ်တင်ဆက်ထားသည့် “ပြောသင့်သည့်စကားနှင့်မပြောသင့်သည့်စကား” ဆောင်းပါး၊ သူငယ်ချင်းများအနေဖြင့် တစ်ဦးနှင့်တစ်ဦး နားလည်ခွင့်လွှတ်ကာ စည်းစည်းလုံးလုံး ညီညီညွတ်ညွတ်ဖြင့် ဆောင်ရွက်သင့်ကြောင်းတင်ဆက်ထားသည့် “ဇီးကွက်ရုပ်” နှစ်မျက်နှာကာတွန်း၊ ပြည်ထောင်စုနေ့ဖြစ်ပေါ်လာပုံအကြောင်းကို စာစီကုံးရေးဖွဲ့ထားသည့် “ပြည်ထောင်စုနေ့တို့မမေ့” စာစီစာကုံး၊ မိမိစားချင်သော အစားအစာများကို ကိုယ်တိုင်ချက်ပြုတ်စားသောက် နိုင်သည့်အတွက် စားဖိုမှူးဖြစ်ချင်သော မောင်ချစ်မင်းအကြောင်းကို တင်ဆက်ထားသည့် “စားဖိုမှူးဖြစ်ချင်သူ” တစ်မျက်နှာကာတွန်း၊ ကလေးများအနေဖြင့် မိခင်တို့၏မေတ္တာ ကြီးမားပုံကိုသိရှိနိုင်ရန်နှင့် အလေးထားသင့်ပုံကိုတင်ဆက်ထားသည့် “မာတာမိခင်” ပုံပြင်၊ မိမိကိုယ်တိုင်ကြိုက်နှစ်သက်ခြင်းမရှိသောအရာများကို သူတစ်ပါးအားမပြုလုပ်သင့်ကြောင်း တင်ဆက်ထားသည့် “ကိုယ်ချင်းစာပါ” နှစ်မျက်နှာကာတွန်း၊ သူငယ်ချင်းဖြစ်သူသံဆူး၍ တုတ်ကောက်ဖြင့်သွားရသည်ကို ကဲ့ရဲ့ခဲ့သောပုပုသည် မိမိအလှည့်တွင် သူငယ်ချင်းများက မကဲ့ရဲ့ဘဲကူညီသည်ကိုတွေ့ရပြီး နောင်တရသွားပုံကိုရေးဖွဲ့ထားသည့် “မလှောင်ပြောင်တော့ပါ” နှစ်မျက်နှာကာတွန်းနှင့် ကလေးလက်ရာကာတွန်းကဏ္ဍ၊ ဉာဏ်စမ်းကဏ္ဍအပါအဝင် အင်္ဂလိပ်စကားဝိုင်းကဏ္ဍနှင့် ကဗျာကဏ္ဍစုံလင်စွာဖြင့် ထွက်ရှိပြီဖြစ်ရာ တစ်စောင်လျှင် ငွေကျပ် ၄၀၀ ဖြင့် စာပေဗိမာန်စာအုပ်အရောင်းဆိုင်များတွင် ဝယ်ယူနိုင်ကြောင်းသိရသည်။

 https://t.me/MyanmarNationalPost