MNP - ဖေဖော်ဝါရီ ၁၈
မကွေးတိုင်းဒေသကြီး နတ်မောက်မြို့နယ်တွင် လက်ထောက်မူလတန်းပြဆရာ/ ဆရာမများခန့်ထားနိုင်ရေး ရက်တိုသင်တန်းဆင်းပွဲကို ယမန်နေ့လယ် ၂ နာရီအချိန်က အမှတ်(၁)အခြေခံပညာအထက်တန်း ကျောင်းခန်းမ၌ ကျင်းပခဲ့သည်။
ရှေးဦးစွာ မြို့နယ်ပညာရေးမှူး ဦးသန်းထိုက်က ဆရာ/မများအနေဖြင့် မိမိတာဝန်ကျကျောင်းများတွင် ဆရာကျင့်ဝတ်နှင့်အညီ နေထိုင်ကြရန်၊ နိုင်ငံ့ဝန်ထမ်းဥပ ဒေ/နည်းဥပဒေများကိုလိုက်နာမှုရှိကြရန် ရှင်းလင်းပြောကြားခဲ့ပြီး လက်ထောက်မူလတန်းပြဆရာ/မများအား သင်တန်းဆင်းလက်မှတ်များကို ပေးအပ်ခဲ့သည်။
၂၀၂၂-၂၀၂၃ ပညာသင်နှစ် လက်ထောက်မူလတန်းပြခန့်ထားနိုင်ရေး ရက်တိုသင်တန်းဆင်း ဆရာ/မများအား နတ်မောက်မြို့နယ်အတွင်းရှိ ဆရာလုံလောက်မှုမရှိသည့် ကျောင်းများတွင် ခန့်ထားသွားမည်ဖြစ်ကြောင်း မြို့နယ်ပညာရေးမှူးရုံးမှ တာဝန်ရှိသူထံက သိရသည်။
လှဝင်း
https://t.me/MyanmarNationalPost
No comments:
Post a Comment