MNP - ဖေဖော်ဝါရီ ၃
မန္တလေးတိုင်းဒေသကြီး၊ မိတ္ထီလာမြို့နယ် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနမှ ချောင်းကောက်တမံ တိုးချဲ့မြောင်းမကြီးနှင့် ရေလွဲဆည် လက်ဝဲမြောင်းမကြီးတို့ ပြုပြင်ခြင်း လုပ်ငန်းများ ရာနှုန်းပြည့် ပြီးစီးပြီဖြစ်ကြောင်း သိရသည်။
ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ ချောင်းကောက်တမံ တိုးချဲ့မြောင်းမကြီးအတွင်း သဲနှုန်းများ ပို့ကျမှုကြောင့် မြောင်းဘောင်နိမ့်ကျခြင်း၊ ကျိုးပြတ်ခြင်းများ ဖြစ်ပေါ်နေ၍ ရေစီးရေလာ ကောင်းစေရန် ၂၀၂၂-၂၀၂၃ ဘဏ္ဍာရေးနှစ်တွင် အလျားပေ ၃၆၄၀၀၊ အမြင့် ၄ပေရှိ တိုးချဲ့မြောင်းမကြီး ပြုပြင်ခြင်းကို နိုဝင်ဘာလမှ စတင်ဆောင်ရွက်လျက်ရှိရာ အဆိုပါလုပ်ငန်းမှာ ရာနှုန်းပြည့်ပြီးစီးပြီဖြစ်၍ စိုက်ပျိုးဧက ၆၀၀ကို ရေစီးရေလာကောင်းမွန်စေပြီး စိုက်ပျိုးရေအား သတ်မှတ်ရေစီးနှုန်းအတိုင်း ထုတ်လွှတ် ပေးဝေနိုင်မည်ဖြစ်သည်။
၎င်းအပြင် ရေလွဲဆည် လက်ဝဲမြောင်းမကြီးအတွင်း သဲနှုန်းများ ပို့ကျမှုကြောင့် မြောင်းဘောင် နိမ့်ကျခြင်း၊ ကျိုးပြတ်ခြင်းများ ဖြစ်ပေါ်နေ၍ ရေစီးရေလာကောင်းစေရန် ၂၀၂၂-၂၀၂၃ ဘဏ္ဍာရေး နှစ်တွင် အလျားပေ ၂၈၂၆၀၊ အမြင့် ၄ပေရှိ ရေလွဲဆည် လက်ဝဲမြောင်းမကြီး ပြုပြင်ခြင်းကို နိုဝင်ဘာလမှ စတင်ဆောင်ရွက်လျက်ရှိရာ အဆိုပါလုပ်ငန်းမှာ ရာနှုန်းပြည့်ပြီးစီးပြီဖြစ်ကြောင်း မြို့နယ်ဦးစီးမှူးထံမှ သိရသည်။
အဆိုပါ ရေလွဲဆည် လက်ဝဲမြောင်းမကြီး ပြုပြင်ခြင်းလုပ်ငန်း ပြီးစီးပြီဖြစ်၍ စိုက်ပျိုးဧက ၂၇၀၀ကို ရေစီးရေလာကောင်းမွန်စေပြီး စိုက်ပျိုးရေအား သတ်မှတ်ရေစီးနှုန်းအတိုင်း ထုတ်လွှတ်ပေးဝေနိုင်မည်ဖြစ်ကြောင်း သိရသည်။
သိန်းမြင့်ကျော်
https://t.me/MyanmarNationalPost
No comments:
Post a Comment