MNP - ဖေဖော်ဝါရီ ၂၃
ရခိုင်ပြည်နယ် မောင်တောမြို့နယ် တပ်ဦး ချောင်း အုပ်စုအတွင်းရှိ ကျေးရွာများတွင် ကလေး သူငယ် အခွင့်အရေး များဆိုင်ရာ အသိပညာ ပေး ဟောပြောခြင်းကို ယမန်နေ့ နေ့လယ် ၁ နာရီအချိန်က ကံပြင်သာစည်ကျေးရွာ နှင့် ကံ သာယာ ကျေးရွာတို့တွင် ပြုလုပ်ခဲ့ကြောင်းသိရသည်။
အဆိုပါ အသိပညာပေးဟောပြောရာတွင် မောင်တောခရိုင်လူမှုဝန်ထမ်းရုံးမှ ဌာနစိတ်မှူး ဦးစံဌေးမောင်က ကလေးသူငယ် အခွင့်အရေးဆိုင်ရာ ကိစ္စရပ်များ ၊ ဉပဒေပါအချက်အလက်များ ၊ ကလေးသူငယ်များ၏ ရပိုင်ခွင့်များ ၊ ကလေးသူငယ် မှုခင်းများ ၊ ကလေးသူငယ်များအား ထောက်ပံ့ပေးနေသည့် အခြေအနေများ ၊ ကလေးကာကွယ် စောင့် ရှောက်ရေး နှင့် ကြိုတင်ကာကွယ်ရေးအတွက် ဆောင်ရွက်နေသည် အခြေအနေများ စသည့်တို့ကို အသိပညာပေး အကျယ်တဝင့် ရှင်းလင်း ပြောကြားခဲ့သည်။
အဆိုပါ အသိပညာပေး ဟောပြောပွဲသို့ မောင်တောခရိုင် လူမှုဝန်ထမ်းရုံးမှ တာဝန်ရှိသူများ ၊ကျေးရွာသူ ၊ကျေးရွာသားများ တက်ရောက် ခဲ့ကြ ကြောင်း သိရသည်။
သက်လွင်စိုး ၊အောင်ကျော်စိန်
https://t.me/MyanmarNationalPost
No comments:
Post a Comment