MNP - ဖေဖော်ဝါရီ ၂၄
မန္တလေးတိုင်းဒေသကြီး ညောင်ဦးမြို့နယ် ကန်နီပေါက်ကျေးရွာအုပ်စု၊ ဂျိုးကန်ကျေးရွာ မီးဘေးသင့်အိမ်ထောင်စုများများအတွက် ညောင်ဦးမြို့နယ် ကျောက်ပြင်ကန် ရွာဦးကျောင်း ဆရာတော် ဥူကေတုမာလာ ဦးဆောင်သော ကျောက်ပြင်ကန်ကျေးရွာ အာယုဒီဃလူမှုရေးအဖွဲ့မှ ဂျိုးကန်ကျေးရွာ မီးဘေးသင့် အိမ်ထောင်စုများကို ယနေ့နံနက် ၉ နာရီခွဲ အချိန်က လှူဒါန်းပံ့ပိုးငွေ ပေးအပ်လှူဒါန်းခဲ့ကြောင်းသိရသည်။
ညောင်ဦးမြို့နယ် ကန်နီပေါက်အုပ်စု ၊ဂျိုးကန်ကျေးရွာတွင် ဖေဖော်ဝါရီ ၁၉ ရက်၊ နေ့လယ်ခင်း အချိန်က မီးလောင်မှုကြောင့် အိမ်ခြေ (၁၆)အိမ် မီးဘေးသင့်ခဲ့ပြီး၊ မီးဘေးကြောင့် အမျိုးသား/အမျိုးသမီး (၆၃)ဦး မီးဘေးကယ်ဆယ်ရေးစခန်းဖွင့်ထားသည့် ဂျိုးကန်ကျေးရွာ၊ သီရိမင်္ဂလာဘုန်းတော်ကြီးကျောင်းထဲရှိ မီးဘေးသင့်ပြည်သူများအား အိမ်ထောင်စုများအတွက် ညောင်ဦးမြို့နယ် ကျောက်ပြင်ကန်ရွာဦးကျောင်းဆရာတော် ဥူကေတုမာလာမှ ကျပ်ငါးသိန်း မတည်လှူဒါန်းကာ ကျောက်ပြင်ကန်ကျေးရွာသူ/ကျေးရွာသားများက (၁၂၁၈၀၀၀) တစ်ဆယ်နှစ်သိန်းတစ်သောင်းရှစ်ထောင် ကျပ်စုပေါင်းလှူဒါန်းခဲ့ရာ မီးဘေးသင့် အိမ်ထောင်စု (၁၆)စုအတွက် တစ်ဆယ်ခုနှစ်သိန်းတစ်သောင်းရှစ် ထောင်ကျပ်လှူဒါန်းပေးခဲ့ကြောင်း ကျောက်ပြင်ကန်ကျေးရွာ ဦးထင်အောင်ထံက သိရသည်။
ဒီပါလင်း
https://t.me/MyanmarNationalPost
No comments:
Post a Comment