MNP - ဖေဖော်ဝါရီ ၁၀
ရခိုင်ပြည်နယ် မာန်အောင်မြို့၌ ၂၀၂၃ ခုနှစ်၊ ဖေဖော်ဝါရီလ ၁၂ ရက်နေ့တွင်ကျရောက်မည့် (၇၆)နှစ်မြောက်ပြည်ထောင်စုနေ့အထိမ်းအမှတ် သတင်းစကားလက်ကမ်းစာစောင်များကို မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဝန်ထမ်းများက ယနေ့မွန်းလွဲပိုင်းတွင် မာန်အောင်မြို့အခြေခံပညာအထက်တန်းကျောင်းသို့ သွားရောက်ပြီး ကျောင်းသား/သူများနှင့်လမ်းသွား လမ်းလာသူများအား ဖြန့်ဝေပေးခဲ့သည်။
အဆိုပါလက်ကမ်းစာစောင်တွင် စည်းလုံးညီညွတ်မှုမှသည် ထာဝရငြိမ်းချမ်းရေးဆီသို့၊ (၇၆) နှစ်မြောက်ပြည်ထောင်စုနေ့အမျိုးသားရေးဦးတည်ချက်များ၊ စစ်မှန်သောမျိုးချစ်စိတ်ဓာတ်၊ နိုင်ငံ တော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ၁၂-၂-၂၀၂၂ ရက်နေ့ (၇၅) နှစ်မြောက် စိန်ရတုပြည်ထောင်စုနေ့ဂုဏ်ပြုအခမ်းအနားတွင် ပြောကြားခဲ့ သည့်မိန့်ခွန်းမှ ကောက်နုတ်ချက်၊ "စုဖွဲ့ပြည်ထောင်လှေတစ်စင်းရယ်နဲ့"ကဗျာ၊ ဗိုလ်ချုပ်အောင် ဆန်း ၂၀-၁-၁၉၄၆ ရက်နေ့တွင် ဖဆပလအဖွဲ့ချုပ်ကြီး၏ နိုင်ငံလုံးဆိုင်ရာညီလာခံတွင် ပြောကြားခဲ့ သော မိန့်ခွန်းမှ ကောက်နုတ်ချက်၊ ကာတွန်း၊ညီညွတ်ခြင်းသည် စွမ်းအား၊ စည်းလုံးခြင်းသည် ခွန်အား၊ပြည်ထောင်စု၏ နှလုံးသားစသည့်ဖြင့် ဝေဝေဆာဆာပါဝင်ကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment