MNP - ဖေဖော်ဝါရီ ၈
ရခိုင်ပြည်နယ် ၊မောင်တောခရိုင် ၊ မောင်တောမြို့၌ လက်ထောက်မူလတန်းပြ အသစ်ခန့်အပ်မည့် ပြင်ပ ပုဂ္ဂိုလ် များ၏ လုပ်ငန်းခွင်အကြိုရက်တို သင်တန်းဆင်းပွဲကို ဖေဖော်ဝါရီ ၆ ရက်နေ့ ညနေပိုင်းက အ.ထ.က(၁) အခြေခံ ပညာ အထက်တန်းကျောင်းတွင်ပြုလုပ်ခဲ့ကြသည်။
ရှေးဦးစွာ မြို့နယ်ပညာရေးမှူး ဦးအောင်မြင့်သိန်းက သင်တန်းဖွင့်လှစ်ပို့ချပေးရခြင်း နှင့် ပတ်သတ်၍ ရှင်း လင်း ပြောကြားပြီး သင်တန်းမှ ပို့ချပေးသည့် ဘာသာရပ်များ ၊ သိသင့်သိထိုက်သင့် အကြောင်းအရာများ ၊ နည်းပြ များက ပို့ချပေးလိုက်သည့် ဘာသာရပ်များကို စနစ်တကျ လေ့လာမှတ်သားပြီးမိမိတို့ တာဝန်ကျသည့် ကျောင်း များသို့ ရောက်ရှိသောအခါ မိမိတို့မြို့နယ် နှင့် ကျောင်းအား ပညာရေး မြှင့်မားတိုး တက်အောင် တစ် ဖက် တစ်လမ်းမှ ဝိုင်းဝန်းဆောင်ရွက်ကြရန်လိုအပ်ပါကြောင်း မှာကြားခဲ့သည်။
ထို့နောက် နည်းပြဆရာကြီး /ဆရာမကြီး များက တစ်ဦးချင်း လမ်းညွန်အမှာစကားများပြောကြားပြီး သင်တန်းသားများကိုယ်စား ဆရာ၊ ဆရာမ တစ်ဦးစီက ကျေးဇူးတင်စကားပြောကြားခဲ့သည်။ အဆိုပါ မြို့နယ်အတွင်း အခြေခံပညာ လက် ထောက် မူလတန်းပြ အသစ် ခန့်အပ်မည့် ဆရာ၊ဆရာမ ၅၀ ဦးအား ဖေဖော်ဝါရီ ၂ ရက်နေ့မှ ၆ ရက်နေ့အထိ သင် ကြား ပို့ချ ပေးခဲ့ကြောင်း သိရသည်။
သက်လွင်စိုး
https://t.me/MyanmarNationalPost
No comments:
Post a Comment