MNP - ဖေဖော်ဝါရီ ၂၃
မန္တလေးတိုင်းဒေသကြီး ညောင်ဦးမြို့တွင် မြန်မာနိုင်ငံဆီကုန်သည်များနှင့် ဆီလုပ်ငန်းရှင်များ၊ ခရိုင်စားသုံးသူရေးရာဦးစီးဌာနတို့၏ ကြီးကြပ်မှုဖြင့် စားအုန်းဆီများအား သက်သာသော ဈေးနှုန်းဖြင့် စားသုံးဆီ ရောင်းချခြင်းအား ယနေ့နံနက် ၈ နာရီ အချိန်မှစတင်ပြီး ညောင်ဦးမြို့နယ် ရပ်ကွက်/ကျေးရွာများသို့ ဆက်လက်ရောင်းချပေးနေကြောင်း သိရသည်။
ညောင်ဦးမြို့နေ ပြည်သူများ ချက်ပြုတ်စားသောက်မှုကိစ္စများ တစ်ဘက်တစ်လမ်းမှ အဆင်ပြေကြစေရန် မီးဖိုချောင်သုံး စားအုန်းဆီများကို သက်သာသောဈေးနှုန်းဖြင့် ရောင်းချပေးခြင်းဖြစ်ရာ လူတစ်ဦးလျှင် စားသုံးဆီ တစ်ပိဿကို ၄၉၀၀ ကျပ်နှုန်း ဖြင့်မည်သူမဆိုလွတ်လပ်စွာဝယ်ယူနိုင်ရေး ညောင်ဦးမြို့၊ အမှတ်(၂)၊ကျောင်းစုရပ်၊ ပြည်လုံး ချမ်းသာဘုန်းတော်ကြီးကျောင်းဝင်းအတွင်း၊ အမှတ်(၅)၊စည်ပင်သာယာရပ် ရပ်ကွက်ဓမ္မာရုံအနီးတို့တွင် Mobile ကားဖြင့် လိုက်လံရောင်းချလျက်ရှိကြောင်း သိရ သည်။ အဆိုပါ Mobile ကားဖြင့် ရပ်ကွက်/ကျေးရွာနေပြည်သူများ လက်ဝယ်အရောက် ဈေးနှုန်းချိုသာ စွာ ရောင်းချပေးလျက်ရှိရာ စားအုန်းဆီပိဿချိန် ၂၇၅၂ ပိဿာရောင်းချပေးနိုင်ခဲ့ကြောင်း သိရသည်။
ဒီပါလင်း
https://t.me/MyanmarNationalPost
No comments:
Post a Comment