MNP - ဖေဖော်ဝါရီ ၆
ပဲခူးတိုင်းဒေသကြီး၊ ပြည်ခရိုင်၊ ပြည်မြို့၌ အသစ်ခန့်အပ်မည့်လက်ထောက်မူလတန်းပြများအတွက် ရက်တိုမွမ်းမံသင်တန်းဖွင့်ပွဲအခမ်းအနားကို ပြည်မြို့ အမှတ်(၁)အခြေခံပညာအထက်တန်းကျောင်း သီရိရတနာခန်းမ၌ ယနေ့နံနက် ၈ နာရီခွဲအချိန်က ကျင်းပပြုလုပ်သည်။
အခမ်းအနားတွင် ရှေးဦးစွာပြည်မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးနိုင်လင်းဦးက အဖွင့်အမှာစကားပြောကြားပြီး တိုင်းပညာရေးမှူးဆရာကြီးဦးတင်ယုက သင်တန်းဖွင့်လှစ်ရခြင်းအကြောင်းအရင်းကို ရှင်းလင်းပြောကြားသည်။
အဆိုပါသင်တန်းကို ပြည်မြို့နယ်အတွင်းရှိ သင်တန်းသား၊ သင်တန်းသူ(၉၉)ဦးတက်ရောက်ကြပြီး သင်တန်းဆရာ၊ ဆရာမ ၁၅ ဦးက ကာယဘာသာရပ်၊ KG မှ Grade-5 ထိ သင်ရိုးဝင်ဘာသာရပ်အားလုံးနှင့် ဝန်ထမ်းကျင့်ဝတ် ကျောင်းလုပ်ငန်းစီမံခန့်ခွဲ့မှုဘာသာရပ်များကို နံနက် ၉ နာရီမှ ညနေ ၄ နာရီထိ ဖေဖော်ဝါရီ ၆ ရက်မှ ဖေဖော်ဝါရီ ၁၀ ရက်နေ့အထိ (၅)ရက်တိုင် သင်ကြားပို့ချပေးသွားမည်ဖြစ်ကြောင်း သိရသည်။ အဆိုပါသင်တန်းဖွင့်ပွဲသို့ ခရိုင်နှင့် မြို့နယ်အဆင်ဌာနဆိုင်ရာများ၊ ဆရာ၊ ဆရာမများ၊ သင်တန်းသား၊ သင်တန်းသူများတက်ရောက်ကြကြောင်း သိရသည်။
ကိုစိုး
https://t.me/MyanmarNationalPost
No comments:
Post a Comment