MNP - ဖေဖော်ဝါရီ ၂
မိတ္ထီလာမြို့၌ (၇၆)နှစ်မြောက် ပြည်ထောင်စုနေ့အထိမ်းအမှတ်အကြို တက္ကသိုလ်၊ ဒီဂရီကောလိပ်အဆင့် ဆောင်းပါးပြိုင်ပွဲ၊ ပန်းချီပြိုင်ပွဲ၊ စာစီစာကုံးပြိင်ပွဲနှင့် ကဗျာပြိုင်ပွဲများကို ယနေ့နံနက် (၉) နာရီအချိန်က ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာနခန်းမတွင် ကျင်းပကြောင်းသိရသည်။
ရှေးဦးစွာ ပြိုင်ပွဲများမစတင်မီ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဦးမျိုးမင်းဇော်က ပြိုင်ပွဲကျင်းပရခြင်းရည်ရွယ်ချက်နှင့် ပြိုင်ပွဲစည်းကမ်းများအကြောင်းကို ရှင်းလင်းပြောကြားသည်။ ထို့နောက် ပြိုင်ပွဲကို ဆက်လက်ကျင်းပပြုလုပ်ရာ မိတ္ထီလာတက္ကသိုလ်၊ ကွန်ပျူတာတက္ကသိုလ်(မိတ္ထီလာ)၊ နည်းပညာတက္ကသိုလ်(မိတ္ထီလာ)၊ မိတ္ထီလာပညာရေးဒီဂရီကောလိပ်နှင့် မြန်မာနိုင်ငံလေကြောင်းနှင့် အာကာသပညာတက္ကသိုလ်တို့မှ ကျောင်းသူ၊ ကျောင်းသား ၄၇ ဦးက ပါဝင်ယှဉ်ပြိုင်ကြသည်။ အဆိုပါပြိုင်ပွဲအား ဖေဖော်ဝါရီ ၂ ရက်နေ့မှ ၃ ရက်နေ့အထိကျင်းပမည်ဖြစ်ပြီး ဒုတိယပြိုင်ပွဲနေ့တွင် အဆိုပါတက္ကသိုလ်များနှင့် ပညာရေးဒီဂရီကောလိပ်တို့မှ ပြိုင်ပွဲဝင် ကျောင်းသူ ကျောင်းသား ၅ဝ ဦး ဆက်လက်ပါဝင်ယှဉ်ပြိုင်မည်ဖြစ်သည်။ အဆိုပါ (၇၆)နှစ်မြောက် ပြည်ထောင်စုနေ့အထိမ်းအမှတ်အကြို တက္ကသိုလ်၊ ဒီဂရီကောလိပ်အဆင့် ဆောင်းပါးပြိုင်ပွဲ၊ ပန်းချီပြိုင်ပွဲ၊ စာစီစာကုံးပြိင်ပွဲနှင့် ကဗျာပြိုင်ပွဲများကို ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်အားကစားနှင့်ကာယပညာဦးစီးဌာနနှင့် မြို့နယ်စာအုပ်စာစောင်ချစ်မြတ်နိုးသူများအသင်း (Book Club) တို့ ပူးပေါင်းကျင်းပခြင်းဖြစ်ကြောင်း သိရသည်။
ချမ်းသာ
https://t.me/MyanmarNationalPost
No comments:
Post a Comment