MNP - ဖေဖော်ဝါရီ ၄
မကွေးတိုင်းဒေသကြီး၊ နတ်မောက်မြို့နယ် မြန်မာနိုင်ငံရဲတပ်ဖွဲ့နှင့် အခြေခံပညာရေးဌာနတို့ ပူးပေါင်း၍ ယာဉ်အန္တရာယ်လမ်းအန္တရာယ်ကင်းရှင်းရေး အသိပညာပေးဟောပြောပွဲကို ယမန်နေ့နံနက် ၁၀ နာရီခွဲ အချိန်က အမှတ်(၁)အခြေခံပညာအထက်တန်းကျောင်းခန်းမတွင် ကျင်းပခဲ့သည်။
အဆိုပါဟောပြောပွဲတွင် မြို့နယ်ပညာရေးမှူးဦးသန်းထိုက်က အဖွင့်အမှာစကားပြောကြားပြီး မြို့နယ်ရဲတပ်ဖွဲ့ဒု-ရဲမှူးကျော်စိုးက ယာဉ်စည်းကမ်းလမ်းစည်း လိုက်နာမှုအားနည်းခြင်းကြောင့် ရရှိလာသည့် ဆိုးကျိုးများ၊ ယာဉ်စည်းကမ်းလမ်းစည်းကမ်းဆိုင်ရာ ဥပဒေပုဒ်မအကြောင်းအရာများ၊ မော်တော်ဆိုင်ကယ် မောင်းနင်းသူများ လိုက်နာရမည့်အကြောင်းအရာများ၊ ယာဉ်တိုက်မှု ဖြစ်ပွားရခြင်း၏ အကြောင်းအရာများကို ဟောပြောဆွေးနွေးခဲ့သည်။ အဆိုပါဟောပြောပွဲသို့ မြို့နယ်ရဲတပ်ဖွဲ့ ဒု-ရဲမှူးနှင့် ရဲတပ်ဖွဲ့ဝင်များ၊ မြို့နယ်ပညာရေးမှူး၊ အမှတ်(၁)အခြေခံပညာ အထက်တန်းကျောင်းရှိ ကျောင်းအုပ်ဆရာကြီးနှင့် ဆရာ/မများ ကျောင်းသား/သူများ စုစုပေါင်းအင်အား (၃၀၀) ဦးတက်ရောက်ခဲ့ကြကြောင်း သိရသည်။
လှဝင်း
https://t.me/MyanmarNationalPost
No comments:
Post a Comment