MNP - ဖေဖေါ်ဝါရီ ၂၂
ရခိုင်ပြည်နယ်၊ သံတွဲခရိုင်၊ ကျိန္တလီမြို့၌ မီးဘေးအန္တရာယ် ကြိုတင်ကာကွယ်နိုင်ရေးအတွက် ဌာနဆိုင်ရာရုံးများသို့ ကွင်းဆင်းစစ်ဆေးခြင်းကို မီးသတ်ဦးစီးဌာနနှင့် လျှပ်စစ်ဓါတ်အား ဖြန်းဖြူးရေးလုပ်ငန်းတို့က ယနေ့ မွန်းလွဲ ၂ နာရီအချိန်က ဆောင်ရွက်ခဲ့ကြောင်းသိရသည်။
ထိုသို့ ဆောင်ရွက်ရာတွင် ကျိန္တလီမြို့ မီးသတ်ဦးစီးဌာနမှ လက်ထောက်မီးသတ်ဦးစီးမှူး ဦးခင်မောင်ညိုနှင့်တပ်ဖွဲ့ဝင်များ၊ လျှပ်စစ်ဓါတ်အားဖြန့်ဖြူးရေးလုပ်ငန်းမှ လျှပ်စစ်အင်ဂျင်နီယာ ဦးဆက်ဝေဟိန်းတို့သည် ဆက်သွယ်ရေးရုံးသို့ သွားရောက်၍ မီးဘေးလုံခြုံမှုရှိစေရေးအတွက် လျှပ်စစ်ဝါယာကြိုးများ သွယ်တန်းရာတွင် စနစ်တကျ ရှိ/မရှိ၊ မီးပလပ်၊ မီးခလုပ်များဟောင်းနွမ်း နေပါက အသစ်လဲလှယ် တပ်ဆင်ရေးနှင့် မီးသတ်ဆေးဘူး၊ မီးချိတ်မီးကပ်များ၊ သဲအိပ်များ၊ မီးသတ်ရေပုံးများထားရှိရေး၊ ရေကန်များ၌ ရေများထားရှိရေးတို့ကို အကြံပြု လမ်းညွှန်ခဲ့ကြောင်း သိရသည်။
ဇော်လင်း
https://t.me/MyanmarNationalPost
No comments:
Post a Comment