MNP - ဖေဖော်ဝါရီ ၂၄
မကွေးတိုင်းဒေသကြီး၊ မြို့သစ်မြို့နယ်တွင် ၂၀၂၃ ခုနှစ်၊ မတ်လ ၈ ရက်နေ့၌ စတင်ကျင်းပမည့် တက္ကသိုလ်ဝင်စာမေးပွဲတွင် ဖြေဆိုမည့် ကျောင်းသား၊ ကျောင်းသူများအတွက် စာမေးပွဲဖြေဆိုခွင့်ကတ်ပြားများကို ဖေဖော်ဝါရီလ ၂၀ ရက်ကစတင်၍ အမှတ်(၁)အခြေခံပညာအထက်တန်းကျောင်း၌ ထုတ်ပေးလျက်ရှိကြောင်း သိရသည်။
၂၀၂၃ခုနှစ်၊ မတ်လ ၈ ရက်နေ့မှ ၁၈ ရက်နေ့အထိ ကျင်းပမည့် တက္ကသိုလ်ဝင်စာမေးပွဲတွင် မြို့သစ်မြို့နယ်အတွင်း စာစစ်ဌာနနှစ်ခု ဖွင့်လှစ်၍ အ.ထ.က(၁) မြို့သစ်စာစစ်ဌာနတွင် ကျား(၂၁၀)ဦး၊ မ (၂၉၇)ဦး၊ အ.ထ.က-ဝါးကြီးအိုင်စာစစ်ဌာနတွင် ကျား (၁၄၇)ဦး၊ မ(၂၀၃)ဦး စုစုပေါင်း (၈၅၇)ဦး ဝင်ရောက်ဖြေဆိုမည်ဖြစ်ပြီး တက္ကသိုလ်ဝင်ခွင့် စာမေးပွဲဖြေဆိုမည့် ကျောင်းသား၊ ကျောင်းသူများအနေဖြင့် ဖြေဆိုခွင့်ကတ်ပြားထုတ်ယူရာတွင် ကျောင်းသားကတ်၊ မှတ်ပုံတင်၊ အိမ်ထောင်စုစာရင်းမိတ္တူတစ်ခုခု ယူဆောင်လာရမှာဖြစ် ကြောင်း မြို့နယ်ပညာရေးမှူးရုံးမှ သိရသည်။
ဝင်းအိဇွန်
https://t.me/MyanmarNationalPost
No comments:
Post a Comment