MNP - ဖေဖော်ဝါရီ ၈
ရခိုင်ပြည်နယ် ၊ မောင်တောခရိုင် ၊ တောင်ပြိုလက်ဝဲမြို့နယ်၌ ၂၀၂၂-၂၀၂၃ ပညာသင်နှစ်၊ နံသာတောင်ပညာဒါန ပရဟိတကျောင်း၏ (၁၀)ကြိမ်မြောက် စုံညီပွဲတော် နှင့် ဆုပေးပွဲ အခမ်းအနားကို ဖေဖော်ဝါရီ ၆ ရက်နေ့ ညနေပိုင်းက အဆိုပါကျောင်းတွင် ကျင်းပပြုလုပ်သည်။
ရှေးဦးစွာ နယ်စပ်ဒေသ နံသာတောင်ပညာဒါန ပရဟိတကျောင်း၏ ဦးစီး ပဓာန နာယက၊ သဒ္ဓမ္မ ဇောတိက ဓဇ ၊ ရခိုင့်တံခွန် ဆုတံဆိပ်တော်ရ နံသာတောင်ဆရာတော် အရှင်သူမြတ်မှ အဖွင့်ဩဝါဒ စကားမိန့်ကြားပြီး ခရိုင်ပညာရေးမှူး ဆရာကြီး ဦးချစ်သိန်း နှင့် မြို့နယ်ပညာရေးမှူး ဦးအောင်မြင့်သိန်းတို့က အမှာစကားများ ပြောကြားခဲ့ကြသည်။ ထို့နောက် ကျောင်းသား/သူများက ရခိုင့်ရိုးရာယိမ်း အကအလှများ ၊ တေးသီချင်း များဖြင့် ကပြ ဖျော်ဖြေပေးခဲ့ကြသည်။
ဆက်လက်၍ ပညာရည်ချွန်ဆု နှင့် အား ကစား ထူးချွန်ဆု ရရှိသော ကျောင်းသား/သူများအား နံသာတောင်ဆရာတော်ကြီး နှင့် တာဝန် ရှိသူများက ဆုများ ချီးမြှင့်ပေးခဲ့ကြသည်။အဆိုပါ နံသာတောင်ပညာဒါန ပရဟိတကျောင်းတွင် ကျောင်း သား/သူ ပေါင်း (၅၀၀) ဦး ပညာသင်ကြား လျှက် ရှိကြောင်းသိရသည်။
သက်လွင်စိုး
https://t.me/MyanmarNationalPost
No comments:
Post a Comment