MNP - ဖေဖေါ်ဝါရီ ၂၃
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်၌ ၂၀၂၂-၂၀၂၃ ပညာသင်နှစ်၊ တက္ကသိုလ် ဝင်ခွင့်စာမေးပွဲဖြေဆိုကြမည့် ကျောင်းသား၊ကျောင်းသူ များအား စာမေးပွဲဖြေဆိုခွင့်ကတ်ပြားများထုတ်ပေး ခြင်းကို ယမန်နေ့ မွန်းလွဲ ပိုင်းမှစ၍ သက်ဆိုင်ရာ စာစစ်ဌာနများအလိုက်ထုတ်ပေးလျက်ရှိကြောင်းသိရသည်။
တောင်ကုတ်မြို့နယ်တွင် စာစစ်ဌာန(၅)ခုဖွင့်လှစ်သွားမည်ဖြစ်ပြီး စာစစ်ဌာနများအဖြစ် မြို့ပေါ် တွင် အမှတ်(၁)၊ အမှတ်(၄) အခြေခံပညာအထက်တန်းကျောင်းများ၌လည်းကောင်း ၊ တန်းလွဲမြို့တွင် အ-ထ-က (ရွာမ)၌လည်းကောင်း ၊ လမူးမော်ရွာတွင် အ-ထ-က ၌လည်းကောင်း ၊ မအီမြို့တွင် အ-ထ-က(မအီ)၌လည်း ကောင်း ဖွင့်လှစ်မည်ဖြစ်ကြောင်းသိရသည်။
တောင်ကုတ်မြို့နယ်အတွင်း ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်းစာမေးပွဲကို ကျောင်း တွင်းမှဖြေဆိုမည့်သူ(၂၉)ဦး ၊ ပြင်ပမှဖြေဆိုမည့်သူ(၁၀၀၉ )ဦး စုစုပေါင်း(၁၀၃၈)ဦးရှိကြောင်းနှင့်စာမေးပွဲ ဖြေဆိုခွင့်ကတ်ပြားများထုတ်ပေးခြင်းကို သက်ဆိုင်ရာစာစစ်ဌာနများမှ ဘာသာတွဲအလိုက် ဖေဖေါ်ဝါရီ (၂၁) ရက် နေ့မှ မတ်လ(၈)ရက်နေ့အထိ ထုတ်ပေးသွားမည်ဖြစ်ကြောင်း မြို့နယ်ပညာရေးမှူးရုံးမှသိရသည်။
https://t.me/MyanmarNationalPost
No comments:
Post a Comment