MNP - ဖေဖေါ်ဝါရီ ၂၂
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့၌ ခရိုင်၊မြို့နယ်အဆင့်ဌာနဆိုင်ရာများ၏ လုပ်ငန်းညှိနှိုင်းအစည်းအဝေးကို ယနေ့ နံနက်(၁၁)နာရီအချိန်က မြို့နယ်ခန်းမ၌ ကျင်းပပြုလုပ်ခဲ့သည်။
ရှေ့ဦးစွာ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင် က ဒေသတည်ငြိမ်အေးချမ်းရေး နှင့် ဒေသ ဖွံ့ဖြိုးရေး ၊ တက္ကသိုလ်ဝင်တန်းစာမေးပွဲများအောင်မြင်စွာကျင်းပနိုင်ရေးနှင့် အသေးစား ၊ အလတ်စား ကုန်ထုတ်လုပ်ငန်းများ တိုးတက်ဖွံ့ဖြိုးရေးတို့ကိုရှင်းလင်းဆွေးနွေးသည်။
ထို့နောက် အစည်းအဝေးသို့တက်ရောက်လာကြသည့် ခရိုင်၊မြို့နယ်အဆင့်ဌာနဆိုင်ရာများ က ဒေသ တည်ငြိမ်အေးချမ်းရေး ၊ သောက်သုံးရေဖူလုံစွာရရှိရေး ၊ တက္ကသိုလ်ဝင်တန်းစာမေးပွဲများ အောင်မြင်စွာ ကျင်းပနိုင်ရေးနှင့်ဒေသဖွံ့ဖြိုးရေးအတွက် ဆောင်ရွက်မည့်လုပ်ငန်းများကို ဆွေးနွေးတင်ပြကြရာ ခရိုင်စီမံ အုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင် ကဆွေးနွေးတင်ပြချက်များအပေါ် ပေါင်းစပ်ညှိနှိုင်းပေးခဲ့သည်။
အဆိုပါအစည်းအဝေးသို့ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင်နှင့်အဖွဲ့ဝင်များ ၊ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဇာနည်တိုး နှင့်အဖွဲ့ဝင်များ ၊ ခရိုင် ၊ မြို့နယ်အဆင့်ဌာနဆိုင်ရာများ တက်ရောက်ခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment