MNP - ဖေဖော်ဝါရီ ၈
ရန်ကုန်တိုင်းဒေသကြီး၊ ကျောက်တံတားခရိုင်၊ ဒဂုံမြို့နယ်ရှိ မေရီချက်စ်မင်းကျောင်းမှ အသက် ၅ နှစ်မှ အသက် ၁၂ နှစ်ကြား ကျောင်းသား၊ ကျောင်းသူများအား ကိုဗစ်-၁၉ ရောဂါကာ ကွယ်ဆေး (Sinopharm Booster Dose) အပိုဆောင်း ထိုးနှံပေးခြင်းကို ယမန်နေ့နံနက် ၉နာရီကစ၍ စတင်ထိုးနှံပေးခဲ့ကြောင်း သိရသည်။
အဆိုပါ ကာကွယ်ဆေးထိုးနှံပေးခြင်းကို ဒဂုံမြို့နယ်စီမံအုပ်ချုပ်ရေးအဖွဲ့ဝင်(၁) ဦး၊ မြို့နယ်ကြက်ခြေနီအသင်းမှ ဝန်ထမ်း (၄)ဦး မြို့နယ်ပြည်သူ့ကျန်းမာရေးဦးစီးဌာနမှ ဝန်ထမ်း(၅)ဦးတို့ ပူးပေါင်းပါဝင် ဆောင်ရွက်ခဲ့ကြကြောင်း သိရသည်။
ဒဂုံမြို့နယ်တွင် အသက် ၅ နှစ်မှအသက်၁၂ နှစ်ကြားကျောင်းသား၊ ကျောင်းသူများအား ကိုဗစ်-၁၉ရောဂါ ကာကွယ်ဆေးထိုးနှံပေးခြင်းကို အလှည့်ကျဆောင်ရွက်လျက်ရှိရာ မေရီချက်စ်မင်း ကျောင်းမှ ကျောင်းသား၊ ကျောင်းသူစုစုပေါင်း (၁၉၉) ဦးတို့အား အပိုဆောင်းထိုးနှံပေးခဲ့ကြသည်။
ဆက်လက်၍ ဆေးထိုးရန်ကျန်ရှိသည့် ကျောင်းသား၊ ကျောင်းသူများအား ဆက်လက်ထိုးနှံ ပေးသွားမည်ဖြစ်ကြောင်း မြို့နယ်ကိုဗစ်-၁၉ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီမှ သတင်းရရှိပါသည်။
ကြည်ဇေသော်
https://t.me/MyanmarNationalPost
No comments:
Post a Comment