MNP - ဖေဖော်ဝါရီ ၄
မွန်ပြည်နယ်၊ ကျိုက်မရောမြို့နယ်အတွင်းရှိ အခြေခံပညာကျောင်းများ၌ ကျောင်းသား/ကျောင်းသူလူငယ်များ အသိပညာဗဟုသုတတိုးပွားစေရန် ရည်ရွယ်ချက်ဖြင့် စာဖတ်ရှိန်မြှင့်တင်ရေးဟောပြောပွဲ လူကုန်ကူးမှုအကြောင်းပညာပေးဟောပြောပွဲကို ယမန်နေ့မွန်းလွဲပိုင်းက အ.လ.က သင်ဃန်းချောင်ကျောင်းရှေ့ ဘောလုံးကွင်း၌ ပြုလုပ်ခဲ့သည်။
ဟောပြောပွဲတွင် ကျောင်းအုပ်ဆရာမကြီး ဒေါ်မြင့်မြင့်ဆွေ က အဖွင့်အမှာစကားပြောကြားပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်ချိုမြတ်မြတ်ထွေးက လူကုန်ကူးမှုလျော့နည်းပပျောက်ရေးအတွက် ဆောင်ရန်ရှောင်ရန်များနှင့် လိုက်နာရမည့်အချက်များကို ပညာပေးဟောပြောခဲ့သည်။
ထို့နောက် ကျောင်းခန်းမအတွင်း ပြသထားသောလူကုန်ကူးမှု ပြသထားသော ပညာပေးနံရံကပ်စာစောင်များကို ကျောင်းသား၊ကျောင်းသူများက စိတ်ပါဝင်စားစွာ လေ့လာကြည်ရူခဲ့ကြကြောင်း သိရသည်။
ချိုမြတ်မြတ်ထွေး
https://t.me/MyanmarNationalPost
No comments:
Post a Comment