MNP - ဖေဖော်ဝါရီ ၉
ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြို့နယ် အခြေခံပညာအထက်တန်းကျောင်း၊ အိမ်ခြေလေးဆယ်ကျောင်း၌ (၇၆)နှစ်မြောက် ပြည်ထောင်စုနေ့ အထိမ်းအမှတ် အသိပညာပေး ဟောပြောပွဲ၊ စာအုပ်စာစောင်ပြပွဲနှင့် နံရံကပ်စာစောင်ပြပွဲကို ယမန်နေ့ နံနက်(၁၀)နာရီက ကျင်းပခဲ့သည်။
ဒိုက်ဦးမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူး ဒေါ်ဆွေသက်အောင်က ပြည်ထောင်စုနေ့ဖြစ်ပေါ်လာပုံ၊ ပြည်ထောင်စုစိတ်ဓာတ်အဓိပ္ပါယ်၊ ပင်လုံစာချုပ်အကြောင်းနှင့် ပင်လုံစာချုပ်တွင် လက်မှတ်ရေးထိုးကြသူများတို့ကို အသိပညာပေး ဟောပြောခဲ့သည်။
ထို့နောက် ကျောင်းသား/ ကျောင်းသူများအား စာပေဖတ်ရှု့သည့်အလေ့အကျင့်များရရှိစေရန် သုတ၊ ရသ စာအုပ်စာစောင်များ၊ ပြည်ထောင်စုနေ့ဖြစ်ပေါ်လာပုံအကြောင်း၊ မူးယစ်ဆေးဝါးဆိုင်ရာ သိကောင်းစရာအကြောင်းနှင့် ပြည်ထောင်စုနေ့နှင့် ပတ်သက်သောအကြောင်းအရာသိကောင်းစရာ အသိပညာပေးနံရံကပ်စာစောင်များအား ပြသထားရာ ကျောင်းသား/ ကျောင်းသူများက စိတ်ဝင်တစား လေ့လာကြည့်ရှုခဲ့ကြောင်း သိရသည်။
https://t.me/MyanmarNationalPost
No comments:
Post a Comment