MNP - ဖေဖော်ဝါရီ ၈
ရှမ်းပြည်နယ်(တောင်ပိုင်း)၊တောင်ကြီးခရိုင်၊ ရပ်စောက်မြို့နယ်တွင် (၇၆)နှစ်မြောက်ပြည်ထောင်စုနေ့အထိမ်းအမှတ်အကြို စာစီစာကုံးပြိုင်ပွဲနှင့် စိတ်ကြိုက်ပန်းချီဆွဲပြိုင်ပွဲကို ယမန်နေ့နံနက် (၁၀)နာရီ အချိန်က ရပ်စောက်မြို့နယ် လူထုအခြေပြုဗဟိုဌာန (Community Center)ခန်းမ၌ ကျင်းပြုလုပ်ခဲ့သည်။
ရှေးဦးစွာပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိဒေါ်ဆုမွန်ထွန်းက ပြည်ထောင်စုနေ့နှင့်ပတ်သက်သည့်ကြောင်းအရာများကို ကျောင်းသား/သူ လူငယ်လူရွယ်များအနေဖြင့် နေ့ထူးနေ့မြတ်များကို အစဉ်အမြဲအမှတ်ရနေစေရန်နှင့် စာစီစာကုံးပြိုင်ပွဲနှင့်ပတ်သက်သည့် အမှတ်ပေးစည်းမျဉ်းစည်းကမ်းများကို ရှင်းလင်း ပြောကြားခဲ့သည်။ ဆက်လက်၍ ပန်းချီဆရာဦးဇော်ဝင်းမှ စိတ်ကြိုက်ပန်းချီပြိုင်ပွဲနှင့် ပတ်သက်သည့် စည်းမျဉ်းစည်းကမ်းများကို ရှင်းလင်းပြောကြားခဲ့သည်။
ထို့နောက်ပြိုင်ပွဲတွင် အမှတ်ပေးဒိုင်များအဖြစ်ဖိတ်ကြားထားသည့် ပန်းချီဆရာဦးဇော်ဝင်း၊ လူမှုဝန်ထမ်း ကျောင်းအုပ်ဆရာမကြီးဒေါ်ကြွယ်ကြွယ်သိန်း၊ မြို့နယ်ပညာရေးဦးစီးဌာနမှ ဦးစီးအရာရှိဒေါ်အမာကြူ နှင့်အမျိုးသမီး ရေးရာအဖွဲ့ဝင်များမှ ပြိုင်ပွဲဝင်ကျောင်းသား/ကျေင်းသူများအား လိုက်လံကြည့်ရှုစစ်ဆေးခဲ့ကြသည်။ ပြိုင်ပွဲတွင်ဆုရရှိ သည့်ကျောင်းသား/ကျောင်းသူများကို (၈)ရက်နေ့တွင် ဆုများအသီးသီးချီးမြှင့် သွားမည်ဖြစ်ကြောင်း မြို့နယ်ပြန်ဆက် ဦးစီးအရာရှိထံမှ သိရသည်။
https://t.me/MyanmarNationalPost
No comments:
Post a Comment